Minung Pul Rai A Tlung Taktak Ko Cang Tuchun Nikhat Lawngah UK Cu Minung 938 An Thi,Spain Cu 757 An Thi

Kan vawlei pi cu thawngpang theih cu a nuam lo taktak si.Pathian bia a tling cuahmah ko tiah chim usih law kan palh tuk lai ka zum loh.tuchun April 8, nikhat chung lawng bak ah a tu lio zawt nak Covid-19 rai in UK ram le Spain ram cu minung 1,698 bak an thi t’han.UK ram ah cun 938 an thi i,Spain ram ah cun 757 an thi tiah UK,The Department of Health nih thanhnak a tuah.


UK ram ram chung thil a cangmi ah cun tuchun tluk in zawt nak rai t’halo ruangah mithi an tam hi a um bal lo tiah a chim.hi thil a cangmi hi nikhat chung ( suimilam 24 ) chung lawngah a cang mi a si.April 7 ah khan suimilam 24 chungah minung 786 an thi.hi lio ah thawngpang t’ha ngai mi pakhat cu UK Prime Minister Boris Johnson belte cu dam lei a panh cuahmah ko tiah (intensive care unit) nih a chim ve.


Cun,Spain ram ah cun tuchun April 8 ( suimilam 24) chungah minung 757 an thi i,Covid-19 hrik in a thi mi hna hi an dihlak ah minung 14,555 tluk an si cang.Curuangah Spain PM Pedro Sanchez nih cun April ni 25 tiang khi Curfew peh i, ni 25 hnu lei cun a ram sining le rai sining zoh in pehzulh dingah timhlamh nak a ngei cuahmah tiah theih a si.

Source: BBC