Miphun Hawi Hna Ralhrangbu Pen Nak Cu A Rawk Cikcek Cang Lai

Ralhrang pen nak arawk cikcek cang lai.Kan pu le pawl nih mahte khuakhang lairel khawh nak pine pawl fonh in Federal democracy ramkomh dirh ding in Kachin, Shan, Kawl le tiah Panglong ah biakam nak an rak tuah. Independence kan ngah ni thawkin nihin ni tiang biakam ningin federal democracy ram dirh lo in Kawl miphun nih စစ်ဘုရင်အုပ်ချုပ်ရေး ralkap siangpahrang pennak thar tu an ser. Kawl mipi nih cu hlan ramri lei miphundang pawl cung ah zeitluk indah an rak sual ti mi an thei duh lo. An ralkap pawl သူရဲ ကောင်းဘွဲ့ aphunphun he ana cawnglawmh.

Ram adawt ngangmi Kawl ralkap ah anrel, tu cio ah ralkap siangpahrang pennak thar pei an dirh hi timi anhmuh tik ah an lautuk. Lampi ah mahte kal chuk cho mi, inchungah apatang ah abenh mi, miharsa bomchantu hna ahrem akap tu ralkap chiakha pawl cu zei bantuk သူရဲကောင်းဘွဲ့ dah kan pek cang lai.Kawl miphun tel lo hriamtlai phu pawl nih 1976 kum ah National Democratic Front dirh in hmun khat ah an doh. Kawl ram ah democracy a dirh khawh ding cun ralkap anaashin hlaoh cikcek i လူမျိုးကြီးဝါဒီ an um lo hnu lawng ah asi kho lai tiah an zumh. EAO nih Mahte khuakhan lairel nak angei mi pine pawl cung ah cherchan in federal democracy ramkomh pi kan dirh lai ti asi cang. Cu ramkomh dirh nak ding constitution 2nd draft le pine pawl ni anmah pine cio i constitution draft an ngei viar cang.

Kawl region pawl zong khi hmai lei ah cun pine ah hlen dih asi lai i pine constitution le ralkapphu zong ngeicio hna seh ti in saduh an rak thah pi lengmang an lung arakpem cio hna lo.1988 sandahpiah nak achuah tik ah Kol mipi zong nih ralkap anaashin hlawnh i democracy ram dirh ding an rak au pi ve. Kawl siangakchia thawngringlo an rak chuak region kip i Kawlmiphun dirhkamtu ralkap ah dir an duh lo.ABSDF tiang long an dirh.2021 ralkap anaa acuh hnu zawng ah mipi ni democracy dirh ding tiang lawng an au hmasa. Ahnu deuh ah cun federal democracy ramkomh dirh ding tiah an rak hlen than. Thalo lak in Kawlralkap nih cun avun phawmh tikah atutan cu region kip ah hriamtlaih phu dirh cio ahau cang tiah anlung avunpem.

Vanthat ah NUG avun dir i amah nih raltha ngai in adirkamh tik ah people defence force(PDF) tiang adir khawh. Can saupi EAO pawl i saduhthah nak atlamtling hluahmah i acan acut tikah hmun khat te in kan tuan ti khawh cang lai tiah an hnabeisei. Cucaah phaktawk PDF bawmh cio in andirkamh hna.Kum (70) hlei dohlen nak kan tuah nak ah khahlan cu pine pawl lawng hriamtlaiphu kan rak ngei i 1988 ah khan people revolution achuah khawh nak ding kan peh tonh kho lo. Mipi nih Kawl ram nainganyi amikmak an thei lo. 2021 cu boruak avun dang ngai, region kip zong ah PDF avundir khawh caah people revolution lampi taktak ah kan phak pi khawh cang. Hi people revolution nih teinak thantar kan hlawrh khawh cang lai tiah ka zumh.Teinak ni anaih chin, lungrualnak fek chin seh law. Party dihlak, dohlentu dihlak, elected MP dihlak, CDM dihlak, CSO dihlak,biaknak dihlak.mipi kan zate in kutzatial tlaih bu in i thawh cio u si. Ralhrang anaashin pennak hrawh cikcek cang hna u si.Tei nak kan co hrim lai.

Credit: Pu, CNF Pu Thang Yen