Mipi hna nih mipi veng tu Ralkap hna an bawmh nak hna tangka cu kan Ralkap hna sin ah kan phawt zam cang hna ti ah PDF nih caathanh a chuah

Mipi nih hriamtlaitu hna sin i bawmhnak an pekmi phaisa cu hriamtlai phu hna sin ah kan phawtzamh khawh cang, tiah Mandalay tualchung hriamtlai phu MDY-PDF nih nihin August 5 ah cathanh an chuah.

MDY-PDF hna sin ah mipi nih bawmhnak pekmi phaisa cu thlafatin kan pek khawh hna nak hi thla hnih a si cang, ralkap pakhat sin ah Ks 10,000 in kan pek hna, tiah an langhter,“Ralkap dihlak sin ah phawtzamh a si caah a phaisa fang in cun a tlawm ko nain, mipi sin in a lutmi phaisa a si caah mizapi le PDF kar dohthlennak ding i dawtnak a luangmi a si” tiah MDY-PDF nih an langhter.

Mipi lei zong nih nan pekchanhmi phaisa cu PDF kut cung i a phanh nan hmuh tik ah nan i lungsi cio ko lai. PDF lei zong nih kan hnu lei in mizapi nih an kan ṭanpi i, an kan dirpi ti kan theih caah kan lungthin a nuam tuk, ti in cathanh an chuah.

Credit: The Chin Post

Author: Salai Ephraim