Mipi Lei Ai Thuan Ngamlo Mi Hna KNLA Nih Meithal He Leithuan Piak Hram An Thok Cang

Mipi Leithuan Bawmtu KNLA Ralkap.Kayin ramkulh ah hrambunhmi KNU kuttang KNLA ralkap hna nih hmaisuang i thlen caan ah lam in an hmuhmi leithuang mi cu an bawmh hna.Atu bantukin KNLA ralkap nih mipi leithuan an bawmh hna nak ah KNLA Bawiham pakhat nih hiti hin a tial.

“Mipi he pehtlai in an thilri hna firpiak timh he a hlattuk,a ngaingai ti ahcun nanmah daihnak caah kan nih thlahlawh ngei lo in nunpek in ral kan do.Bawiham zong nih leithuan ka bawmh hna” tiah KNLA Bawiham nih amah hmanmi Facebook cahmai ah a tial.

CDF-Mindat le ralhrang rallokap kahdaihnak ceihhmai mi cu 16.7.2021 thawk in hnon a si hnu ah kaphnih boruak a tha lo.Ralhrang rallokap nih UNHCR cu Mindat ralzaam riahbuk ah thilri peknak a onh hnu ah khuate lei thilri bawmhchanh nawl a pek lo.

Mindat peng chungah atu caan ah Tatyin 274 telh in Tatyin 6 an cawlcang i Tatyin 4 cu zapi hmuh in an cawlcang,Tatyin 2 bal an tlau tiah theih a si.Matupi le in rallokap phu pakhat 19.7.2021 ni thawk in Mindat lei muitinh in an ra i,atu hi Meng 70 hrawngah an um i CDF-Mindat he an i hmu tong rih lo.Nihin 21,7,2021 zinglei suimilam 6:45 ah ralhrang rallokap le CDF-Mindat cu Magway ramthen le Chin ramri Shwe Dwin Du khua pawngah an i kap i atu tiang an i kap ko rih theih a si.

Credit: The Chin Post

Author: Salai Ephraim