London khuapi chungah mipa pakhat nih cun mipi an tam nak hmun le zamlam ah i chawk in Pathian bia cu biatak tein ngamh taktak in a au pi.mipi nih mihrut(kalsual) mi ah an ruah i,a bia zong mipi nih an ngeih piak duh lo.hi tibantuk in Pathian bia a aupi tu pa hi Christian Concern nih a chim ningah cun Mr Oluwole Ilesanmi a si tiah a chim.Mr Oluwole Ilesanmi nih London khuapi chungah le zalam ah hi tibantuk in Pathian bia a chim-phuan chung hi caan saupi a si cang tiah an chim.
Cun,Mr Oluwole Ilesanmi nih zalam cungah Pathian bi a chim lio ah hin pallo ding tiah a cozah ralkap nih a ven mi “Southgate Underground Station”leng tiangin Pathian bia a chim ruangah Metro palik pawl hna nih an tleih hi a si tiah an chim.London khuapi Biakinn zei maw zat ah cun Pathian bia a ngeimi le a pum mi an tlawn deuhdeuh cang caah Khrihfa tampi hna nih khua-lak le zalam mipi um nak hmun ah i chawk in Pathian bia an au mi hi a si.Mr Oluwole Ilesanmi zong a hrut mi le a kalsual mi a si lo tiah Christian Concern,Chairman Andrea Williams nih a chim.
Mr Oluwole Ilesanmi a tleitu hna Metro palik pawl hna nih an chim ningah cun Mr Oluwole Ilesanmi kan tleih nak a ruang cu Biaknak dangdang a soisel hna ruangah le Islam pawl hna biaknak a soisel ruangah a si tiah an chim.cu pin ah Palik pawl hna nih cun London khuapi in a hlatnak hmun meng 5 renglo ah an va chiah rih.Mr Oluwole Ilesanmi nih cun Pathian bia a ka chim mi hna cu,”Vawlei cung mi vialte hna hi a ruang tein Pathian nih a kan dawt dih.Muslim pawl zong Pathian nih an dawt hna”tiah ka chim, Biaknak dang ka soisel nak zei hmanh a um lo tiah a chim.
Mr Oluwole Ilesanmi nih a ton mi konghe pehtlai in Christian Concern hruaitu pawl hna nih London cozah sin ah report nak an tuah tik ah palik pawl hna cu a cozah nih dantat nak a pek hna i Scotland phaisa $3100 a cawiter hna pin ah Mr Oluwole Ilesanmi bantuk in London khuapi chungah Pathian bia chim in a vakvai mi hna cu palik nih hna hnawhnak pek lo dingin zalong tein cawlcangh khawh nak nawl zong a pek chih hna tiah an chim.
Source: CBN
