Kan Vawlei sining hi a thleng chin leng mang bantuk in vawlei cung mirum le milian ngan paoh nih Sertu Pathian an neih deuhdeuh i,a si a rakchia ngei mi le zei huaha a rak si lem lo mi,cikhat ah Pathian nih a vun cawisan mi hna paoh nih an sinak i philh in Sertu Pathian cu an hlat deudeuh ve fawn.Singapore ram chungah mirum cem a si tiah an chim mi pa Mr Phillip Ng nih zei tluk in dah Pathian a bochan pin ah a rum deuhdeuh i Pathian a neih deudeuh nak kong a chim mi hi t’ha tein rak rel ve hmanh?
Thawnglatu Matthew Yao nih a chim ningah cun Singapore ram hi vawlei cung ram vialte hna lak hmanh ah a min a thang mi le ram rum bak a si cang i,cu ram rum tiah chim cuahmah mi ram Singapore ram chungah mirum cem a si cang lai tiah mipi nih an ruah mi,Mirum pa Mr Phillip Ng nih Sertu Pathian a bochan ning cu khuaruahhar lei a si ko tiah a chim.Mr Phillip Ng nih cun Sertu Pathian ka rak theih hlan le ka ngeih hlan ah cun vawlei cungah hna ngam nak le daihnak cu zei set dah a si hnga? tiah nun nuamh nak a phun phun in ka tuah i ka kawl.asinain nun nuamh nak le hna ngam/daihnak hna cu ka hmu kho hlei loh!
Vawlei cung hmun kip ram kip ah ka chawk.nun duh dim nak le hna ngam nak cu khoi ah dah ka hmun khawh lai ka ti.mi nih an kan chimh mi.mah hi na tuah ah cun hna ngam nak le nun duhdim nak na ngei lai an ka ti.cu thil vialte hna cu nun duhdim nak le hna ngam nak ngeih duh ah ka tuah lo mi an um loh.asinain cu thil vialte hna cu pakpalawng menmen an rak si.vawlei cungah hna ngamnak le nun duh dim nak a kan pe khotu zei hmanh an rak um loh.a tu ah cun Jesuh Khrih ka ngei cang i,nun duh dim nak le hna ngam nak kawl in caan saupi chung kan rak va veih mi vialte hna cu zei hmanh lo a si tiah a chim.Jesuh Khrih ka ngeih hlan ah cun ka nun nak ah thil pakhat khat a tlinglo mi bantuk khin kan um peng i hna ngamnak taktak ka ngei kho loh.
Asinain a tu ah cun Zei zong vialte nak in Jesuh Khrih kan ngeih ta a rak herh ning hi fiang tein ka nun ah a lang i.Jesuh Khrih he kan i ton hnu cun,kan nun nak hi toi dor nak in le lungnem nak in ka khat.zei tik caan hmanh ah i nuamh lo ti mi zong ka ngeilo.zei bantuk rian ka t’uan ah siseh,khua zei ka kal nak hmanh ah siseh,hna ngam nak le lunglomhnak in ka khat peng.Jehsuh Khrih a ngei rihlo mi hna zong nih zei dang thil vialte nak in Jesuh muisam tu kawl ulaw?kei mah ti nak le lung puam nak,mi zei rel lo nak te hna etc..vialte hna cu nang mah nih tei hau lo in Jesuh Khrih nih an tei piak ko lai tiah a chim.
Singapore mirum pa Mr Phillip Ng a min taktak hi Mr Chee Tat Ng ti a si na in mirum a si hnu ah Mr Phillip Ng ti in a min a hung thang mi a si.a tu ah a phaisa fai bak in a ngeih mi hi $12.1 billion hrawng a si.a thil ngeih mi hna hi Hong Kong ram chungah”Sino Group company” lian taktak mi a ngei pin ah Hong Kong ram chungah Inn lo le Inn hmun a nei tam cem mi pa a si.a thil ngeih zat hi a details in langhter a si lo.mah pa hi vawlei cung mirum bik hna lak hmanh ah a tu ning te in a cawlcangh khawh ah cun cikhat ah telh khawh a si te lai tiah an ruah mi pa a si.
Credit: DBCF Meifar
