Misual Pawl Um Nak Gaza Ram Chungah Mangt’am A Tlung Cuahmah Cang

American president Trump nih Palestine ralzam hna a bomhnak a phih hnu cun Gaza Strip ram chung um mi Palestine ram mi 1 miilion tluk hna cu a car bak in an car cuahmah cang,Trump nih hi thil a tuah mi a peh zulh cuahmah a si ah cun khi hmun um mi Palestine pawl hna cu 1 million nak tam nih an tuar t’han lai i tirawl ei lo ruangah a thi dih dingmi an si cang tiah UN relief agency nih a chim.

Gaza Strip ram chung um mi Palestine pawl hna khi US nih dollar $60 million renglo a bomh peng hna,asinain in Israel ram he remdaihnak tuah an duh lo ruangah US cozah nih cu a bomh nak cu a phih piak diam hna tik ah ei awk neilo bak in a car dih dingmi an si cang.

 

United Nations Relief and Works Agency for Palestine Refugees nih cun US nih hi bomhnak a phih hnu in EU, China, Russia, Gulf hna sinah June thla chungah khin dollar $ 60 million in ram bawm hna uh tiah nawlpatnak an tuah piak cuahmah hna tiah an chim.

UNRWA director, Matthias Schmale photo.

UNRWA director, Matthias Schmale nih cun Brussels ram i European official tonbiaruhnak ah cun Gaza Strip um mi pawl hna cu voi khat ah thlathum an nei ding hi kan pek tawn hna,asinain a tu ah cun an ei ding tirawl pek awk a um huaha ti lo caah an rawl petu minung si zong khi t’ihnung a si cang,hi thil hi US cozah nih bomhnak a phih mi ruangah a si cem ko tiah a chim.

Source: CNN

Author: Salai Ephraim