Mizei Ti Theihlo Mi Nih America Embassy Cu Ruahlo Pi In Rocket Hriamnam Hmangin Kah A Si

Iraq ram chung khuapi a si mi Baghdad khuapi chung Green Zone ah US embassy an chiah mi cu rocket hriamnam zei maw zat in kah piak an si.rocket hriamnam in voi tam lak te an kah na in US embassy cu rocket pahnih lawng nih a khen.hi konghe pehtlai in ralhrang pawl hna zong nih kan mah kah mi a si tiah a ho hmanh nih an i chim rihlo.

Cun,hi Baghdad khuapi chung Green Zone ah US embassy chungah hin Iraq cozah office hna le Iraq foreign embassy zong a um chih.Iraq cozah nih cun a ralkap pasal t’ha tampi a venter ko hna na in mi zei ti theihlo mi hna nih lam nei tein an kah khawh t’hiam tik ah an chim.cu hlan ah cun mah bantuk thil a tuahtu hna nih kan mah kan si cu bantuk kha bantuk ruangah kan kah mi a si tiah an rak chim tawn na in a tu cu mi zei hmanh an holh lo.

Iraq,Green Zone ah US embassy an kah nak ruangah mi zei hmanh a hliam mi le a thi mi hna an um hraw lo.asinain an kah nak hmun hna hi cu a rawk dih cikcek.hi konh he peh tlai in UN zong a lungre a theih pin ah Middle East ram chungah ral a tho sual lai tiah ram uk bawi dangdang hna sin zongah nawlpatnak an tuah.

Iraq cozah zong nih mi zei thil ti mi dah a si hnga?tiah biatak tein dothlatnak a tuah cuahmah.hi tibantuk in US embassy kah a ton hi nizan zing ka teah khan a si na in a tu tiang mi zei thil tuah mi dah a si tiah theih khawh a si rih lo.

Source: AFP

Author: Salai Ephraim