Kan Unau Mizo Cozah Nih A Tu Lio Zawt Nak Rai Ruangah Chinmi Harsat Nak A Tongmi Bawmhnak Pek Ning Ding A Tawlrel Ning

Kan theih dih cio bantuk in a tu lio Covid-19 zawt nak rai ruangah India ram chungah Chin mi zei maw zat hna cu harsatnak tampi an tong cuahmah.India ram chung hmun dangdang um mi Chin miphun hna caah MPCC President Pu Lal Thanhawla nih cun India ram chung hmun dangdang ah khuasa mi Mizo hna le Chin miphun hna caah bawmhnak pe dingin Mizoram Chief Minister sin ah nawlpatnak a rak tuah.

MPCC President Pu Lal Thanhawla nih bawmhnak pek dingin nawlpatnak a tuah ningah cun,”India ram chung hmun dangdang ah Mizo tam pi an um,cu pin ah India ram chungah kan Unau Chin miphun hna zong tampi an um.a tu zawt nak rai Covid-19 ruangah a lak kip in harsat nak an tong caah a ran nak in Mizoram cozah nih bawmhchanh nak pek ding le dirkamh dingin tawltel zawk zawk ding an si”tiah a chim.

Cun,Mizoram mi hna le Miphun dang hna hi neih niam tein kan cawlcangh khawh nak hnga.Mizo kan mual a pholo nak ding a ran nak in kan tawlrel awk a si tiah a chim.cu pin ah a tu India ram dirhmun zoh ah cun India ram cu Lockdown or Curfew chung hi aa peh cuahmah kho mi dirhmun a si caah India ram hmun dangdang um mi hna Mizo hna le Chin kan Unau hna hi a ran nak in dirkamh le bawmhchanh nak tuah hi riang rang thil cu a si tiah a chim.

Hi tibantuk in MPCC President Pu Lal Thanhawla nih nawlpatnak “Cahmai”a t’ial mi cu a mah ai-awh in MPCC Media Deptt. Chairman Lallianchhunga le MPYCC President Dr. Lalmalsawma hna nih an va thehluh cang pin ah MPYCC President Dr. Lalmalsawma hna nih cun CM Relief Fund caah ti in Rs. 20,000 bak a pek cawlh tiah theih a si.

Lahnak: Vanneihthanga Vanchhawng ( MWN)