Mizoram Ah Rithainak a phurh tu hna le Mizapi Caah A Thalomi Thil Chinmi Nih Luhpi/Zuar/Tuahnak Kongah Duhlo Langhternak le Ralrinpeknak Hakha CDF Council nih caathanh a chuah

Mizoram ah Chinmi hna nih Rithainak le mizapi caah a tha lomi thil an luhpi, an zuar i an tuahnak le tlaih an sinak thawng atu hrawng kan theih lengmang tikah CDF-Hakha Council dirhmun in kan ning a zak i kan duhlonak kan langhter pinah cu bantuk thil a tuahmi misual hna cu fakpi in chimhrin an si lai, tiah ralrinnak sang bik kan pek hna.

Cu bantuk thil a tuahmi chungin Mizoram ah siseh, Hakha peng ah siseh, hmun dang ah siseh, tlaihmi lakah Hakha peng minung nan i tel a si ahcun nan minung le rithainak thil tuahnak in nan hmuhmi chawva vialte tel in fakpi in action lak nan si lai.

Ralhrang Min Aung Hlaing le a ralkap ruangah Chinram le Chinmi nih harnak fakpi kan ton lioah dornak a kan pe i a kan zohkhenhtu kan unau Mizoram cozah le mipi cungah kan i lawm i upatnak sang bik kan pek hna;an caah harnak le buainak chuahpitu si hna hlah usih.

Credit: CDF-Hakha Council

Author: Salai Ephraim