Chin state chungah zei holh hi dah common holh ah kan hman lai tiah Online chungin cun buai le chim phuan cio a si lio ah MP Zung Hlei Thang nih cun Falam pengtlang vial nih cun Laizo Ca hi kan cawn awk a si ko tiah Amyota Hluttaw ton biaruahnak ah a hal tiah theih a si.asi ne ah cun Falam pengtlang vialte ah cun a hal bantuk in Laizo Ca lawng te cu cawng hna sehlaw,Halkha nih an mah holh te cawng ve hna sehlaw te cu nih cun thil t’ha maw a chuahpi deuh lai thil chia dah? ti hi ruah lo awk a t’ha lo.
MP Zung Hlei Thang nih a tu bantuk in Laizo Ca kongah hal nak a tuah mi hi a voi hnihnak Amyota Hluttaw ton biaruahnak an tuah nak hmun ah a chim hi a si.ruah ah cun Laizo Ca kongah mah bantuk in a hal mi hi a sual cu ka ti hrimhrim lo na in khua fak pi in kan ruah awk a si mi cu Chin state chungah Laizo Ca a hmang mi maw an tam deuh? Halkha Ca holh ti hi a si.Chin state chungah common holh ah kan hman khawh dingmi le kan i rualraan khawh dingmi Ca holhtu kha fek tein kan i tleih awk a si deuh.
A voi 2nak Amyota Hluttaw ton biaruahnak ah Zung Hlei Thang nih cun phun thum in a hal hna i,”Falam ah Technical High School Sianginn sak piak ding le Bual khua,Belawi, Sungdo, Ngamual, Hmunpi, Zawlnu, Zawngkong ah moto lam t’ha tein a cozah nih ser piak ding le Falam pengah Laizo Ca lawng cawn ding tiah”a hal hna ti a si.
Zung Hlei Thang nih a hal mi hna chungin Laizo Ca cawn nak kongah cun leh nak an tuah lo i ralkulh a cozah tu nih a t’ha a ti ningtu in ruah te seh tiah an leh,a mah belte Technical High School Sianginn cu 2020 chungah hma lak cawh ding tiah an leh i Bual khua,Belawi, Sungdo, Ngamual, Hmunpi, Zawlnu, Zawngkong moto lampi cu 2020-21 chungah remh ser piak ding tiah an leh.
Credit: thevoicesofmiepi
