Mr. Steve Bannon Nih Cun Kum 2020 Ithimnak Ah Trump Nih Teinak A Hmuh Ah Cun Tihnung Cang Lai

White House Strategist Mr. Steve Bannon nih cun kum 2020 US ithimnak ah Trump nih teinak a hmuh a si ah cun Trump hi a tu bantuk menmen in cun a um ti lai lo.Trump cu t’ihnung taktak a si cang lai tiah a chim.cun Trump nih a ral ah a ruah mi ram paoh cu Trump nih a zoh sawhsawh ti hna lai lo i a doh cuahmah cang hna lai.a mah a huatu le a raltu ram vialte hna cungah cun veel ngaih a tim ti lo tiah a chim fawn.

 

Cun Trump hi 2020 i thimnak zongah a tling hrimhrim lai,zeicatiah cun Democrats Presidential Candidate pawl hna nih tei khawh ding an si lo.2020 i thim nak i Trump nih teinak a hmuh t’han a si ah cun a tu i Trump nih tuah a duh mi tuah kho lo in a tlaitu thil vialte hna cu phawih piak a si cang lai i Trump a cawlcang cang lai caah US a huatu ram hna caah cun khi caan cu t’ihnung ngaingai a si cang lai tiah a chim.

 

White House Strategist Mr. Steve Bannon photo.

Cun Trump nih zei ruangah dah a mah duh ning in rian a t’uan khawh taktak lo kan ti ah cun Democrats party hruaitu pawl hna le MEDIA pawl hna nih ningcanglo taktak in Trump cu a lamkip in an doh i an soisel ruangah Trump nih a term khat nak caan hmaizah in aa ingpeng rih caah tu ah a si.hi thil konghe pehtlai in Trump nih cun a mah a dotu hna cu pumpak in an ka ral bia a si tiah an chim cang i 2020 a tlin a si ah cun khi tik ah khim teirul cham in lehrulh a timh hna tiah a chim.

Source: BBC

Author: Salai Ephraim