Iran ram mi Iran Instagram star SAHAR TABAR timi Nu nih cun vawlei cung minthang Hollywood Actress Angelina Jolie muisam ken duh ah a taksa hna cu ningcang lo in surgery a tuah dih hnu ah “zombie” version of Hollywood Actress Angelina Jolie tiah min a mah tein a sak.“zombie” version of Hollywood Actress Angelina Jolie ti mi min cun Instagram Page ah 14,000 followers zong a ngei i ningcang lo thil tampi a phozar manh.
A rian t’uan nak konghe pehtlai in cikhat cu vawlei cung Social Media hna nih dothlatnak an vun tuah tik ah Iran Instagram star SAHAR TABAR a si kha an theih i,a sining hna cu Internet ah an vuntar langh cuahmah ve tik ah mitam pi nih cun an soisel len nak in a konglam a dothlattu hna le a followers pawl hna cu an rak karh chinchin ve i a min a thang kho taktak.micheu hna nih cun Iran Instagram star SAHAR TABAR cu surgery a tuah ning zong a hman lo a zei hmanh ah Hollywood Star Angelina Jolie a lawh nak a um lo tiah an soisel.
Hi konghe pehtlai in Sahar Tabar cu UK nih taza a cuai i case a ser piak mi cu,” blasphemy, instigating violence, illegally acquiring property, insulting the country’s dress code le encouraging young people to commit corruption”tiah sual a phawt i Iranian authorities nih an tleih cang tiah UK news organisation nih thanhnak a tuah.mipi nih an conglomhnak pakhat cu Sahar Tabar nih Hollywood Actress Angelina Jolie muisam ken kho dingin tinhmi a ngeih mi hrimhrim hi uaipi tlak a si tiah a rak conglomhtu tampi an um ve.
Asinain Iran Instagram star SAHAR TABAR cu zei bantuk in dah Iranian authorities nih biachahnak an tuah piak lai i,zei bantuk dantatnak dah an pek lai tiah biafiang thanh mi a um hraw rih lo tiah BBC nih a chim.
