Myanmar: A Herh Ning Paoh In Hriamnam Kan Hman Cang Lai Zecatiah Cun Rel Chap

Hi hnu cun hriamnam banh a herh ah cun banh, tuah a herh mi dangdang zong kan tuah dih cang lai ee tiah tatmadaw lei nih an chim.Pyin Oo Lwin um mi ralkap technical University le KauhDwin police buk hna TNLA, AA le MNDAA hna nih i sawm riangmang in an va phomh hnu Tatmadaw lei zong an i sum kho ve ti lo i, hi bantuk in an chim nak hi a si.

 


Hlan deuh ah hin Tatmadaw lei nih rithaisi an check nak ah MMK 15 billion man bak an rak tlaih, cun rithaisi chumh chuannak thilri hna zong an rak tlaih chih hna. Cu bantuk a tuahtu buk hna cu tatmadaw dirhmun in kan va kah hna ee, tiah tatmadaw lei nih an chim.Asinain tlangcung hriamtlai phu nih cun kan mah te um ko mi..an rak kan kah ve caah kan kah ve hna tiah an timi hi a si. Asinain tatmadaw nih cun hi bantuk rihaisi cu kan kham awk le kan doh awk pei si cu, rampi cozah he ai pehtlaimi pei si cu tiah an leh ve hna.

 

Cun hi bantuk in an cawlcanghnak nih cun mipi harnak a pek hna, cun lam le sul zawh tu ca zong ah harsatnak an pek hna caah tuah awk a si mi dantatnak cu kan tuah ko lai tiah ralkap lei nih an chim.Rakhain ram zong ah hriamnam ngan mi he rithaisi he a liamcia nihnih thum ah khan kan tlaih cang, cu cu duh lo in teirul an kan cham a si ko, asinain ralhriam he zong siseh, tuah a herh mi poh cu kan tuah cang ko lai ee tiah an chim chap.

 

Credit: vanvanews.com

Author: Salai Ephraim