Kawl cozah nih an ram chungah ningcang lo in rian t’uan buu MP hna le ziknawh Eihmuar rian t’uantu cozah upa hna a tlaitu dingah Anti Corruption Commission cu a rak dirh mi a si.cun a tu ah hin USDP chungin ziknawh Eihmuar rian t’uantu tiah an puh mi hna minung tampi tleih an si na in Daw Aung San party (NLD MP) pawl hna chungin ziknawh Eihmuar mi pawl hna cu mi zei hmanh nih tlai lo ding le dantat nak pe lo dingin Anti Corruption Commission nih biachahnak a tuah tiah an chim.
Hi konghe pehtlai in Tanintari ramt’hen chief Daw Leh Leh Maw nih cun rian kan t’uan nak ah chim tlak lo phaisa fangkhat hnih te kan hman mi hna cu Anti Corruption Commission nih an rak theih khawh ngaingai pin ah ziknawh Eihmuar case in an kan cohlan nain NLD MP pawl hna nih ziknawh Eihmuar in rian an t’uan nak hna cu AntiCorruption Commission nih an i theihter loh.zei tin dah thil a si tiah dothlatnak kan tuah tik ah cun Anti Corruption Commission nih Daw Aung San party (NLD MP) pawl hna kongah action la lo dingin biachahnak rak tuah hna sehlaw a lo tiah a chim.
Cun, Mon State chief Dr Aye Zan le a cozah chung tel mipi hna nih an chim ningah cun Daw Aung San party (NLD MP) pawl hna kongah he pehtlai in Anti Corruption Commission biachahnak cu theih dih a si cang caah Anti Corruption Commission nih cu hlan i an biaceih dingah ziknawh Eihmuar tu MP zei maw zat a rak tleihmi hna cu zalon nak pek an si lai i thlah an si lai tiah RFA media nih cun a chim.Kawl cozah nih Mon State ramkulh moto lampi sernak dingah ting 10,000 a pek mi hna cu chief Dr Aye Zan nih a mah nawl bak in Sautham Myanmar Company an rian t’uan nak caah a pek dih hna.
Mon State chief Dr Aye Zan nih mah bantuk thil a tuah nak konga Hluttaw nih an bia an ceih piak tik ah Mon State chief Dr Aye Zan nih cun hi thil ka tuah mi ruangah zei hmanh kan sual nak a um lo.Hluttaw nih a sual tiah nan kan ti a si ah cun kei mah sual si lo in Daw Su a sual ti nak a si ko tiah a chim.hi kongah Minister U Kyaw Win nih cun biatak tein Anti Corruption Commission hna he rian t’uan dingah timhlamhnak a nei na in Chief Minister lei nih cun Anti Corruption Commission rian t’uantu hna cu ningcanglo in rian an rak t’uanpi hna ruangah Minsiter U Kyaw Win nih a rian a rak mak nak kha a si tiah an chim.
Ref: Free
