Myanmar Cozah le International Media Pawl Pehtleihnak An Tuah Ning Cu Lung A Hmui Ngaite

Myanmar cozah le international media institute pahnih nih cun Media rian t’uanti dingin i pehtleihnak memorandum of understanding cu namnehnak an tuah khawh cang tiah Myanmar Ministry of Information nih cun an chim.cun hi rian t’uantu pahnih hna nih Media kongah rian t’uanti dingin pehtleihnak an tuah mi nih hin March 2020 tiang lawng a si lai tiah an chim.

Myanmar cozah le international media institute hna nih hi tibantuk in i pehtleihnak an tuah hi june 15.2019 lio ah khan Yangon khuapi chungah kaphnih hruaitu hna nih felfai tein dothlatnak an tuah hnu ah namnehnak an tuah khawh hi a si tiah an chim.hi tibantuk in i pehtleihnak a tuahtu hna hi a kawl cozah tangah rian a t’uantu Information and Public Relations Department le Copenhagen, Denmark International Media Support le Kalmar, Sweden Fojo Media Institute pawl hna an si tiah an chim.

 

Cun hi rian t’uan nak konghe pehtlai in media development conference le ethnic media conference hna zong tuah lengmang dingin biachahnak tuah chih a si.cu hi rian t’uan nak dingah theih le tuah a herh ngaingai mi judiciary, executive, legislature, pawl hna zong cawnnak le ton biaruahnak neih t’han lengmang dingin International organization dangdang sin ah multi-media training class zong neih dingin an ceih chih.

Cun Ayeyawaddy ramt’hen chungah le Chin State chung khuate lak ah radio programe zong tuah chih dingin timhlamhnak zong an nei,cu thik Chin State chung khuate lak ah radio programe mtuah ding mi hna cu duhsah in tuah a si lai tiah an chim.

Author: Salai Ephraim