Kawl cozah Tatmadaw t’uanvo nei tu pawl hna le Myanmar campaign hnanih kawl cozah rian t’uan ning konghe pehtlai in facebook thawngzamhtu nak ah an hman mi page 25 hna cu thah piak dingah le an mah konghe pehtlai in facebook thawngzamhtu vialte hna cu tha piak dih ding in UK facebook company si ah june 5 ah khan nawlpatnak an tuah cang tiah an chim.
Tatmadaw hna nih facebook page 25 hna piak an timh mi hna hi an mah kawl ralkap chungin an tuah mi an si i,cu facebook page an tuah mi hna cu a cozah ralkap magazine thawngzamhnak hna le Mytel ti mi le Ministry of Information Committee pawl hna rian t’uan nak page hna le Economic corparation, Myawadi news le TV, Myawadi Bank, Mandalay Bear, Bandhula Parami Transport, Shwe-gandamar Trade, Kan-thar-yar Hospital le Shwe-phi-Oo pawl rian t’uan nak Facebook page a dih lak in thah piak dingah biachahnak an tuah piak mi hna hi a si tiah an chim.
Cun Tatamdaw nih thah piak an timh mi hna facebook page pawl hna hi page pakhat ah minung ting 3 renglo followers an neih dih hna ruangah a kawl cozah a thin phan bia a si ko tiah an chim fawn. zeicatiah hi facebook page an followers an neih mi hna chungin a kawl cozah ralkap hna kongah an duhlo mithil post an duh a si ah cun mipi hna sin ah fawn tein thil t’halo thawng a post kho mi le mipi buaibainak thil tuah kho dirhmun an si cang caah a si tiah an chim.
Cun Tatmadaw nih hi facebook page thah dingin an tawl rel cuahmah mi pawl ah hin zulhphung (rule)zei hmanh ser chih mi le phungphai an neih lo caah an mah Tatmadaw chung tel hna hmanh nih hi page hna hmang in thawngzamh nak le chaw kawl nak ah an hman tawn ve mi an si tiah an chim.Tatmadaw nih hi hma a lak cuahmah mi kongah FB CEO lei nih lehnak zei hmanh a tuah rih lo tiah Iarrody new nih a chim.
