Kawlram pumpi huat in Myanmar Idol Season hlasak zuamnak ah a tel cuahmah mi le judges pawl hna zong nih an uar taktak mi pakhat nak winer laksawng hmanh a lak khawh te lai tiah an ruah mi Bejamin Sum (kalay ) a sining fiang tein theih ah cun zaangfak taktak khi a rak si ve.an chungkhar sining le a mah pumpak cawlcangh nak an langhter mi cu a tang lei bantuk hin an si.
Bejamin Sum (kalay) hi Hngakchia te a rak si lio in a hringtu a pa nih a rak thih tak hna i,a hringtu a Nu nih a zohkhenh mi a si.an khuasak tinhtuknak lei zongah hawi zoh hngar tein a t’hang lian mi a si.cun, a hringtu a Nu hi taksa ngan dam lo nak (cancer) zawt nak in caan sau nawn a kuah cang mi a si tiah a mah Bejamin Sum nih judges pawl hna sin ah a chim.
Bejamin Sum nih cun ka Nu nih saupi a ka dam piak khawh nak hnga thlacam nak zong in rak ka bawm cio uh tiah thlacam zong a cah chih.a tu lio ah Myanmar Idol ah a tel kho mi hna kan Chin miphun hna chungin Judges pawl hna nih an chim mi cu an aw-zai lei in kan zoh hna a si ah cun Bejamin Sum a tluktu a ho hmanh an um hrawlo tiah an chim.
Asinain Bejamin Sum cu mipi lei in dirkamhtu le vote a pe tu a ngei tlawm deuh.Dawt Chin Sung belte cu mipi lei zong in dirkamhtu tampi a ngeih pin ah vote zong tampi a ngei cang.a tu hnu zongah an pahnih tein teitu winer an si khawh nak ding caah cun mipi nih thazaang pek thiam le vote pek cuahmah,dirpi cuahmah an hau rih tiah an chim.Video courtesy: Myanmar Idol
