Myanmar Ram MP 664 Lak Ah Top Hnih Dirhmun Ah Hmasabik Tuanbia Tialtu Pu Henry Vanthio

Vawilei cung ram 195 lakah ram pakhat a simi Myanmar, minung 53 millions lakah half million hmanh a tlinglomi Chin miphun chung in, Myanmar ram MP 664 lak ah Vice President ( top 2) dirhmun ah hmasabik tuanbia ttialtu hi Pu Henry Vanthio a si.

Tulio hi political season a si ko nain, hmaizahnak tel loin, a diklo ningin an soisel i an thangchiat ka hmuh tikah teinak, thutnak savo co duh cang ahcun, thlachiat a ruat kholomi Chinmi kan tam tuk rih timi a von ifiang tuk i ngaichiat awk ngai a si, ka ti.

Airport cu Falam ah a um zong ah Chin ram airport a si ko. UNIVERSITY cu Hakha ah a um zong ah Chin ram University a si ko. Tikir Dam cu Tikir khua ah a um zong ah Chin ram dawhtertu a si ko. Hmailei ah Seaport hna kan ngeih ahcun Palehwah ah a um te ko lai.

Cucaah, Chin ram hi thangcho ve cang seh kan ti ahcun, thil kan tuahmi paoh hi aa rembiknak hmun cohlang khawhnak lungput kan ngeih a herh tiah ka ruah. Cun, cungcuang deuh kan pale upat hmaizah thiam hi Nationalism ah a muru pakhat a si ve timi zong hngalh a ttha ka ti.

Ref: Zasang Cinzah Fb Cahmai.