Kawlram le Thailand hna nih cun kaphnih lungtlin nak tein Myanmar-Thai Friendship Bridge 2 hmun khat teah rian t’uanti khawh nak dingin le rual rem tein hmai an nor khawh nak ding caah a thar in memorandum of understanding ti mi i pehtleihnak le rian t’uanti nak ding caah biachahnak an tuah t’han tiah theih a si.
Hi konghe pehtlai in Myanmar construction minister Han Zaw nih cun Myanmar le Thailand nih rian t’uanti dingah timhlamhmi Friendship Bridge 2 hi East, West Economic Corridor hmun ah a um mi a si pin ah Vietnam ram khuapi a si mi Da Nang City le Myanmarram chunga Mawlamyaning Township tiang in a va huap chih dih mi hmun a si tiah a chim.
Cun,Kawlram le Thailand nih mah bantuk thil an tuah t’han ruangah kawlram nih cun Thailand sin ah ramri ah zalong tein um kal khawh nak dingin nawlpatnak a tuah chih i,Thailand cu investment, tourism le cultural exchange tiangin remdaihnak a tuahpi cawlh fawn hna tiah a chim.a tutan Kawlram le Thailand nih remdaihnak an tuah mi nih hin kawlram mi hna caah lamkau pi Thailand nih a hun khawh tiah an chim fawn.
March 19 khan Myanmar State Councellor Aung San Suu Kyi le Thailand prime minister Prayut Chan O Cha hna cu ton biaruahnak an rak ngei bal cang ruangah a tu bantuk in biachahnak an tuah khawh mi hi a si.an mah pahnih nih Kawl ram le Thailand Frienship Bride kong cu an rak ceih dih cang na in Myanmar-Thai Friendship Bridge 2 hlei a donghtu ding hna hi mi zei dah an si lai tiah an rak fianglo na in an dih dingmi phaisa hna cu Thailand nih a laim dih lai tiah an chim.
