Nan innlo JCB in nawrpiak nan duh rih ahcun kanmah “Naal & Lih Duur” party hi Vote kan pe uh

Pakhat pa nih Chinram cozah NLD nih a tlaih hnu in 30% kan ṭhangcho a tongh. Khuazei data dah a lak ti um lo.Halleluijah le Amen a petu cu an tam dom ko rua khah!NLD chan ah Tikir khua tu cu an ṭhangcho taktak. Milu zong an karh. Tikir ca khuaruat takmi nihcun khikhi an duh awk cu si nemmam lo. Hruh le burh ṭhancho a si.Kawlram Union budget chungin Chin State nih lamcawhnak ah tor le cheng in an ichuah. Nain, Mara le Lautu lei belte ngaihchia taktak si rih.MP Pi Za Tlem rak chuahpi cangmi hmanh NLD nih an hnonpiak dih hna.Canada lei sihal pakhat nih CNLD ṭanh pawl cu hyenas an lo i NLD ṭanh pawl cu Lions kan lo a ti ve huar. Lih le hrokhrol mah duhning le mah laarnak ca i propaganda a thlah kho taktakmi si caah “sihal” ka tinak si.Miphun ca nakin amah online in a laarnak ding men deuh khi ai tuak.

 

“ChinChin cu an pa Kawl a si. Pu Ngai Sak nupi cu Kawl a si.” Ho nih dah mah bantuk pumpak mi dohnak bia hi a chuahpi?Miphun thleidannak ngei pawl cu mah bantuk a chuahpitu hna lungput ahkhin a lang.Kei hi CNLD ka si lo. Nain, miphun a ṭanhmi ka si. Nationalism a uarmi ka si fawn.CNLD ka uar khun ngai hnanak cu, Chin Chin a pasal Kawl a si ruangah thleidannak an ngei lo. An pical bak!Chin miphun kan sinak aa hrawmmi hna lakah hin Kawl thicawh tampi an um. Kawl taktak zong an um kho ko. Tuluk zong an um lai, Kala zong an um kho ko.Chin miphun sinak a zuar lengmangmi, miphun dang tawka liak hmang nakcun, kahpia an va si pekah, kan phun, kan unau sinak aa hrawmmi cu ka duh deuh tuk hna.

 

 

 

 

 

 

 

 

 

 

Pakhat vei ve nih, kan hnu deuh ahkhan, Kawl ca bakin, “Kawl miphun huatnak dingin politics nan leihmi hi cu..” ti phun in a tongh ve.Kawl kan hua nemmam lo. Kan ram lila ah an ilalter tukmi bel kan duh lo. Cu lawng si lo, an phung le an lam, an caholh tiangin barh chih in Kawl siter ve an kan duhnak policy khi kan duh lo.A bikin, kan ram le kan vawlei cia ah, mah miphun te nih iṭhit hruai, i-uk khawhnak phung kan haal.Anmah tlangtlak bu in buai kan duh lo. Kanmah tein kan ibuai hna lai. Miphun pakhat kan sinak kan phun kan tung cang hna lai ti khi si.Cucaah, ramleng a chuak cangmi, mahte in a dir kho cangmi hna tal nihhin cun, nan lung ifim cang u, Kawlrawn lei thlihran paoh dawi leen ve ti hlah u, ka ti tawnnak a si.

 

Hakha ah Naal le Lih Duur phu nih billboard mangtara an itaar. Public budget chung phaisa in sak dawh an si.Kawl tang kun huam veimawlo hmanthlak cu an taar lulh hna.Pa duhlo pakhat nih a thlehpiak hna rua.Cu kongah mi lungneem pawl nih, “Khualipi lungput si lo” ti phun in nan zai.An duhlomi cu an duh ah an thleh lai ta. Public property si lo.An itaarmi pawl khi thleh pet i “Nan innlo JCB in nawrpiak nan duh rih ahcun kanmah “Naal & Lih Duur” party hi Vote kan pe uh!” tiah ca an taarpiak hna awk hmanh si leh.A nem tuk rih.Mah caah dahkaw ka ti, ramkhel timi hi ram dahkaw khel a si cuh. Ram timi cu thisen in dahkaw kilven le humhim a si tawn.Pastor bantuk, academician lulu, kabya saya lulu pawl caah tuksapur rian dahfawh si. Nan ithelh lonak dingah ithelh tuk hlah u, ka van in ti tawnmi hna kha si.

By; Salai C Alexander