Nau Pawi Lio Mi Thlak / Nauchiat Ter Kongah Alabama State Senate Pawl Khuaci An Mui Cang

American state chung a si mi Alabama ah cun Nu hna nih Nau an pawi cuahmah mi kha a pawitu Nu nih a duh lo a si ah cun zalong tein a Nau pawi lio mi cu a rawk (nauchiat) ter khawh awk a si tiah Nu mipi pawl nih an au pi i cu Nau thlak konghe pehtlai in Alabama State Senate pawl hna nih vote in an lak piak tik hna ah Alabama State Senate 25 tluk ah minung Senate 6 hna nih cun Nu hna nih an pawi lio mi Naute cu an duhlo ah cun zalong tein an thlak/rawh awk a si ko tiah vote an thlak.

 

A sinain Alabama State Senate 25 chungah vote 19 hna nih cun a si lo,Nu hna nih Nau an pawi cangmi cu ningcanglo in an Naute cu an thah/rawk awk a si hrimlo tiah vote an thlak ve.Nau rawk nak konghe pehtlai in American ram chung vialte lak ah a tu bantuk in biachahnak tuah a har mi hi a um hraw rih lo i a tu hi a voi khat nak a si lai tiah an chim.

 

Alabama State Senate vote 25 ah Senate vote 19 nih a tei caah Alabama State chungah cun Nu hna nih Nau a pawi i a pawitu a Nu taksa ngandamnak nih a tlinh ko bu ah a pawi mi a Naute cu thlak/rawh awk a si lai lo,a mah belte an pawitu Nu nih a taksa ngamdamnak a t’hatlo i a Fa pawi mi maw/a Nu maw pakhat khat nun nak caah duhthim awk thil a chuah a si ah cun,an pawitu Nu nih a mah duh thimnak tein a Fa pawi mi cu thah/rawh khawh a si lai tiah biachahnak an tuah.

 

A sinain Alabama State Senate pawl hna nih hi biachahnak an tuah cang mi cu Alabama State,Republican Governor Kay Ivey nih ka cohlan hna tiah namnehnak le minthutnak a tuah than rih a hau i hi thil kongah Republican Governor Kay Ivey nih namnehnak le minthutnak a tuah pi duh hna lai hi zumh a um lo tiah an chim.a ruang cu kum 1973 lio ah khan a ram chungah Nau thah/rawh khawh nak ding Supreme Court nih biachahnak an rak tuah cang mi kha a si tiah an chim.

Source: BBC