Nay Pyi Taw Ralhrang Nih PDF An Zuam Cawh Sual Hna

Nan ngamh ahcun rak chuak u,” tiin NUG an zuamcawh hnu ah Nay Pyi Taw um Ralkap lei Director zung an puahhnawh.September 30 zaan ah PDF-Nay Pyi Taw le PDF phu dang i bawm in Ralkap lei Director (Director of Military Affairs) zung cu bomb an puahhnawh tiah theih a si.

SAC phu Chimnak Nawlngeitu Zaw Min Tun nih, “NUG upa pawl, nan ngamh tak ahcun nanmah pumpak rak chuak u,” tiah zuamcawhnak bia a chim in suimilaam tlawmpal ah atu bantuk in bomb an puahhnawh hna hi a si.Minung hliamh mi an um lo nain motor hring le inn vampang pawl an rawk, tiah The Irrawaddy nih a tial.

 

Relchap:Nihin Hakha ah SAC ralkap nih khuami minung 30 tluk an tlaih hna. Nihin October 1, zaanlei suimilaam 4:00 hrawng ah SAC ralkap nih minung 30 tluk an tlaih hna, tiah kan theih.

“An tlaih hna nak hi Myanma Economic Bank thlanglei (Nitlaklei) um mi an si i minung 30 hrawng an si. Nihin zaanlei 4:00 PM hrawng ah a si. An hmuh mi hna poh kha an tlaih ko rua hna,” tiah min langhter lo mi pakhat nih The Hakha Times ah a chim.

Myanmar rampum huap in atulio hi SAC ralkap nih mizeipoh kha an tlaih hna i an phone le thilri an check hna, cheukhat cu tangka tampi liam in an tlanhter hna tiah Mainstream Media dangdang zong nih an tial.

Credit: laica+The Hakha Times

Author: Salai Ephraim