Naypyidaw ah tuthla thok in fak piin kahdohnak kan tuah cang lai

Myanmar ram cozah hmunpi (capital) a simi Naypyidaw ah tuthla thok in fak piin kahdohnak kan tuah cang lai tiah PDF-Naypyidaw nih Oct 3, tuni ah cathanh an chuah.

PDF-Naypyidaw le dothlennak ralkapbu dang hna i bawm in khuachung pikpak kahdohnak (guerilla warfare) phun in Naypyidaw khuapi chung hmunkip ah cawlcangh dingin timhtuahnak an ngeihmi a si.

Cucaah mipi nih ralring tein um peng ding, NUG nih a chuahmi kahdohnak hmun zulhphung zulh cio ding le PDF ralkap hna bawmh cio dingin PDF-Naypyidaw nih nawlnak le forhfialnak an tuah fawn.

Oct 1 ah PDF-Naypyidaw le dothlennak ralkapbu dang hna i bawm in Naypyidaw i ralhrang hmunpi pakhat a simi ah bomb an puah i a rawkralmi a tam pah tiah thieh a si.

Credit: TCP

Author: Salai Ephraim