Naypyitaw Khuapi Chungah Gen.Aung San Lem Cu Pe 18 Tluk Sang Le Tha Taktak In Ser An Timh

Gen.Aung San lem cu pe 18 tluk sang in ser i Naypyitaw khuapi chung ah phun a si lai tiah an chim.cun,Gen.Aung San lem an ser tik ah mi ralt’ha a si nak a langhter tu ah a zuk lem cu Rangtum cungah chiah a si lai.cu tibantuk inRangtum cung a to lio sermi nih cun mipi hna sin ah miral t’ha a sinak le mi ding fel a sinak a langhtertu a si lai tiah Naypyitaw council hruaitu U Ye Min Oo nih a chim.

General Aung San lem sernak konghe pehtlai in October 7 ah khan Naypyitaw khuapi chung khuanu khuapa hna le Sianghleirun Ca cawnglio hna le General Aung San lem sernak konghe t’uanvo ngeitu committee pawl hna cu ton biaruahnak an ngei.an zapi lungtlin nak in Gen.Aung San lem cu pe 18 tluk a sangmi si sehlaw,miral t’ha a sinak a langhtertu ah Rangtum cungah a thut lio cu tar siseh tiah biachahnak kan tuah tiah U Ye Min Oo nih a chim.

 

Cun, General Aung San lem sermi cu Naypyitaw khuapi a si mi Tapyigone khuapi chungah tar a si lai i,a tutan General Aung San lem cu a dang zuklem bantuk men si lo in kum 30 hrawng a rak hman lio muisam kengin sermi a si lai tiah a chim fawn.hi General Aung San lem sermi a muisam nih a nun lio muisam a kengmi a si lai tiah a chim.

General Aung San lem ramth’en le ramkulh tampi ah ser le tar a si,cu zuk lem an sermi cu an i khat hna lo caah soisel nak tampi a chuak.Tlangcung miphun hna um nak cheu khat ah cun General Aung San lem ser le tar cu a duh in an doh lo.asinain Naypyitaw khuapi chungah tuah an timh ning cu Sui le Dar ton 7 hmangin pe 18 tluk sang in ser an timh. 2020 February 13 ah On nak tuah kho dingin timhlamhnak kan ngei tiah U Ye Min Oo nih a chim,

Credit: chindwinpost

Author: Salai Ephraim