Netherlands cozah le Switzerland ram hna nih cun, Palestinian ralzam pawl hna caah bawmhchanhnak kum zei maw zat chung a rak tuah mi le a rak bawmhchanh mi hna cu zahan ah an ram hnih ning tein bawmhchanhnak pe ti lo ding in biachahnak an tuah.hi lio ah hin China nih cun Palestinian ralzam pawl caah US dollar a million bak in a rak bawmh ve hna.Palestinian ram mi hna hi American ram nih a vun hrem hna ruangah hi tibantuk in an harsat nak hi a si bik.
Netherlands le Switzerland nih cun Palestinian ram mi hna caah bawmhnak chawva kan pek mi hna hi United Nations Relief and Works Agency pawl hna nih an tawl rel i,United Nations Relief and Works Agency rian t’uantu hna chungin ningcang lo in rian a t’uan mi an um pin ah bawmhnak chawva kan pek mi hna cu an”Agency”pawl hna nih an mah duh ningin an rak hman caah kan nih ram hnih nih cun bawmhnak pe ti lo dingin biachahnak kan tuah tiah an chim.
United Nations Relief and Works Agency rian t’uannak kongah reporter Al Jazeera nih a chim mi cu Paletinian ram mi hna bawmhchanh nak phaisa a tawlrel tu hna lak ah ningcang a tlai lo mi le duhdanh nak ngei in duh paoh in rian a t’uan mi an um tiah UN Secretary, General Antonio Guterres sin ah a rak chim bal cang.asinain a ho set dah cu bantuk rian t’uanmi cu an si tiah theih khawh a si rih lo.
Dutch Ministry of Development Cooperation nih cun hi thil konghe pehtlai UNRWA hruaitu hna nih fianternak nan tuah awk a si lai tiah a chimh hna.Switzerland foreign ministry nih cun kum fa ti’n tein Palestian ram mi hna caah US dollar 22.5 million kan pek peng hna caah a tu hnu cun an mah bawmhchanh nak ding caah zei hmanh kan ngei ti lo i,a pe zong kan pe ti hna lai lo tiah a chim.
Source: BBC
