News Update: Pu Trump Nih Iran Ram Cu Dai Tein Na Um Lo Ah Cun Nangmah Le Nangmah Na Rawh A Si Lai

Israel ram nih Iran cozah ralrin a pek hna in caan tlawmpal hnu ah American President Donald Trump nih cun Iran ram cu ralrinnak a pek t’han ve.Iran nih nuclear hriamnam ser na timh nak kongah dai tein na um lo i,ningcanglo bia na chim i na cerhro peng a si ah cun,na tuah sermi ruangah le ningcanglo bia na chim mi ruangah nang mah le nang mah na rawh a si te lai hih tiah ralrinnak a pek ve t’han rih.

Cun, Trump nih cun Iran cozah nih a tuah mithil hna hi a ngaingai kan ti ah cun thil t’ha pakhat te hmanh lak awk an um lo.thil t’halo mi lawngte a tuahtu an si.cu bantuk thil t’halo a tuah cuahmah bu ah ningcanglo bia a chim peng rih.Iran cozah nih a tuah sermi konghe pehtlai in American nih a detail tein a zeizong te chin chiah piak le tehte he record ah chiah dih an si tiah a chim.

 

Cun, Iran nih nuclear hriamnam sernak dingah an herhmi (uranium) thilri hna cu a ser chuah cuahmah rih fawn.zei tik hmanh ah American nih cun Iran nih Atomic bomb le nuclear hriamnam cu a neihter lai lo.cun, Iran nih nuclear le Atomic bomb ser chuah dingah rian a t’uan peng a si ah cun a mah le a mah a rawh a si te lai tiah Inn rangpi White House in Trump nih a chim.

 

Trump nih hi tibantuk in Iran ralrin nak a pek nak a ruang hi Iran cozah nih nuclear hriamnam ser nak ding caah rian a t’uanmi konghe pehtlai in UN palai pawl hna nih dothlatnak an tuah tik ah UN palai pawl hna nih cun Iran nih nuclear ser nak ding ah a herh mi (uranium) cu zei maw zat a neih cang pin ah a dang zong a ser cuahmah peng rih ko tiah report an pek t’han hnu in Trump nih Iran ralrin nak a pek t’han hna hi a si.

Ref: AFP