Ngakt’ah Zohkhenhtu Neilo Minung 120 Renglo A Cawmtu Nu Sual An Phawt Ning Cu Dah Ngai A Poi Ko Mu

Mi sifak le cawm kengtu ngeilo, Nu le Pa hna nih an thih tak mi hna Ngakt’ah fa Hngakchia 120 renglo a cawmtu Pi Li Yanxia cu mi deh-hlen a hmang mi a si tiah kum 20 chung bak thongtla ding le Yuan 2.67 Millions dan tat dingin biachahnak an tuah piak ko.

Pi Li Yanxia hi China ram Hebei ramt’hen Wu’an khua ah Ngakt’ah zohkhenhnak “Children Home” a neitu a si.hi konghe pehtlai in thawnglatu hna nih an chim ningah cun Pi Li Yanxia cu a zohkhenh mi hna Ngakt’ah min i bunh riang mang in ramchung le ramlengah bawnhnak/tu kawl in mi a hlen hna i,chawnva tampi a ngei cang.cun,hi thil a tuah mi kongah mipi sin ah report nak tampi a lut cang caah biceihtu Wu’an Tayaayung nih cun kum 20 chung thonggtla ding ah biachah nak tuah piak a si tiah a chim.

 

Pi Li Yanxia hi Pasal a rak ngei bal mi cu a si ko na in,a psal he a rak i t’hen i fa zong a ngeicia an mi an si.cun,Pi Li Yanxia nih a pasal a t’hen dih tlawmpal ah a Pasal nih cun an fa pa te cu Yuan 7000 in midang sin ah a zuar.Cu thawngpang a theih in a psal nih a fa a zuar nak hna sin ah Pi Li Yanxia nih cun a fa an cawk nak mak a let bak in a fa pa cu a va cawk t’han tiah an chim.

 

Cu hnu cun Pi Li Yanxia nih zohkhenhtu ngeilo Ngakt’ah fa le hna zohkhenhnak “Children Home” cu a drih mi a si tiah an chim.Pi Li Yanxia nih cun zohkhenhtu a ngeilo mi ka zohkhenh mi hna chungah hin zei maw zat hna cu an hringtu an Nu le Pa hna nih an zuar hna i,an mah lungtlin nak te he phaisa in ka cawk mi hna tampi an um ko.a ruang cu Hngakchia zei thei lo mi hna an zuar mi hna hi zaangfak le lungkuai in mi tampi an um ti ka theih caah cu bantuk an sining cu ka theih thiam caah a cawk in ka cawk mi hna an si tiah a chim.

Cun, hi hnu zongah cu bantuk zohkhenhtu nei lo mi hngakchia le lungrethei lungkuai in a um mi hna ka hmuh hna ah cun lak le zohkhenh hna ka timh mi cu a si peng ko lai tiah a chim.Pi Li Yanxia nih Children Home a tuah nak hmun hi “Love Village” ti in min a sak i a zohkhenh mi hna a Fa le pawl nih a mah cu “Love Mother” ti in an kawh ve. a luancia kum 2017 lio ah khan Hngaichia minung 118 a zohkhenh hna.cu hnu ah hmun dangdang in bawmhchannak a hmu iChina, Hebei ramt’hen chungah mirum cem list ah a tel ve cang. a mah pumpak Bank Account ah hin 20 Million Yuan a neih ruangah hi tibantuk in an leirawi nak hi a si tiah an chim.

 

Source: BBC

Author: Salai Ephraim