Nichuahlei China rili Pacific Ocean ah US tilawng a um mi cu Russia raltuknak tilawng nih cak taktak in US tilawng zawn in a ra na in aa t’eih ding an si caah US nih a kianh manh tiah an chim.a mah belte hi thil kongah US nih Russia sual a phawt i Russia zong nih US cu sual a phawt ve.an pahnih bak in sual an i phaw veve tiah an chim.cun hi tilawng a pah dengmi hna hi USS Chancellorsville le Russian warship Admiral Vinogradov hna an si.
Russia’s Pacific Fleet nih a chim ningah cun cak taktak in kan kal lio ah kan kal nak ding hmun le lam ah mi zei hmanh rak um lo dingin theihternak thawng kan awnhter ko na in USS Chancellorsville nih cun kan lam bak in kan mah lei hawih in a rak rat ve ruangah mah bantuk thil a can nak cu a si tiah an chim.cun USS Chancellorsville Commander Clayton Doss nih cun Russia nih rawh an kan timh biatu a si,zeicahtiah khi hmun ah kan um kal ning le kan cawlcangh ning hna cu an theih dih ko bu ah pah hramhram an kan timh mi a si tiah a chim.
Philippine Sea rili ah a um cuahmah mi USS Chancellorsville hna nih cun Russia nih mah bantuk in US tilawng a vun neih ah hin lam hlat pin a ra mi an si lo,US tilawng um nak in meng 50 tluk ah Russia nih timhlamh nak t’ha tein a neih hnu ah timhciam mam bu in a tuah mi thil a si tiah a chim ve,asinain Russia Pacific Fleet pawl hna nih cun hi thil hi kan tuah hram mi a si lo ruahlo ah a rili ti luan ning t’hatlo ruangah a cang mi a si tiah an chim.
Hi kongah Defence Secretary Patrick Shanahan nih cun a tu bantuk in Russia nih US cungah a tuah t’han a si ah cun kah a si cang lai,zeicahtiah Russia a cawlcangh ning hna hi ramdang mi hna caah thinphang ngaingai a si cang tiah a chim.
Source: BBC