Vawlei cung ramkip um mi Khrihfa Biaknak hi zumlotu misual le ralhrang hna nih hin thah le nawn dingah an kan timh cuahmah cang tiah chim usih law mah cu kan palh tuk lem lai lo dah.zeicatiah a tu lio vawlei cung ram le hmunkip ah tuksum ithah nawn nak le nun nak pek in bomb an puah nak hmun hna hi zoh tik ah a tam u hna cu Khrihfa mi hna Pathian biaknak hmun le i pumh nak hmun deuh lawng te an si.
North Central Nigeria ram chungah a um mi Baptist Biakinn pakhat ah cun an mino pawl hna cu zan ah mino hla cawn nak an nei tawn i May 29.2019 zan ah khan choir practice a cawng cuahmah mi mino hna chungin minung 19 hna cu an hla cawn nak Biakinn chung bak ah meithal he an luh hnawh hna i an duh mi hna paoh an i thim hna hnu ah lo diam in minung 19 an kalpi hna tiah an chim.
Hi konghe pehtlai in Morning Star News nih a chim ningah cun minung 19 an kalpi mi hna chungin Nu pakhat cu a duhlo in a cawlcangh ruangah meithal in an kahta i a thih hnu ah an kal tak tiah a chim.
Cun hi hi Biakinn ah hla a cawngmi hna hi Nigeria ram chung Evangelical Church Winning All le Baptist Church hna cu hmun khat ah i fonh in Pathian Biaknak caan a hmang ding an si caah (combined choir) a cawngmi hna an si tiah an chim.cun hi tibantuk in thil a tuahtu hna hi ralhrang taktak maw an si ti le mizei dah an si ti hi fiangtein theih a si lo tiah Ezekiel Ishaya nih cun a chim.
Source: BBC
