NLD: Kum 2020 Ithim Nak Ah Kan Thin A Phanglo Teinak Cu Kan Duh Le Duhlo A Si Ko Cang

A ra lai mi 2020 kawlram ithim nak ah kan nih cu pakhat hmanh kan thin a phanglo.cun, tei nak cu kan duh le duhlo a si ko cang.tei nak hmuh nak ding caah a herhmi thil vialte hna cu timhcia kan si cang tiah National League For Democracy NLD central committee chungtel U Aung Kyi Nyunt nih a chim.

National League For Democracy (NLD) central committee sungtel U Aung Kyi Nyunt nih hi tibantuk in bia a chim hi Sep 22 ah khan Yangon ramt’hen NLD zungah pi ah NLD second central committee hruaitu pawl hna ton biaruahnak an ngei i cu ton biaruahnak an tuah lio ah cun kum 2020 rampi ithim nak dingah timhcia nak an ngeih chungmi hna le an cawlcangh nak zei maw zat an zoh hnu ah hi bia hi a chim mi a si.

 

Cun,a tu ah NLD cozah cu party dangdang hruaitu hna le mipi zei maw zat hna nih cun an kan dohkalh i,kar hlang kho lo dingin mi tampi nih rian an t’uan cuahmah ko.asinain NLD a dohkalh tu hna cu kan nih NLD hruaitu hna nih cun pakhat hmanh leh kan tim hna lo pin ah an mah a kan dohtu hna bantuk in an cungah zei hmanh tuah le lehrulh kan tim hna lo tiah a chim.

NLD a kan dohtu hna hi an kan doh ning bantuk in kan doh hna lo pin ah an kan huat ning bantuk in kan nih NLD nih cun kan hua hna lo i,hmai lei zongah an cungah lehrulh kan i tim fawn lo.cucaah cun teinak cu kan mah ta ah kan i ruah ko cang.zeicatiah NLD nih cun a kan dohtu hna hi kan hriamnam t’ha bik ah kan i ruah.cun,NLD nih hi ton biaruahnak an tuah ni ah hin bichan mi phun 5 an nei pin ah rian t’uan ding phung 3 zong biachahnak an tuah.asinain cu biachahnak an tuah mi hna cu 2020 ithimnak i tei nak an hmuh hnu ah tuah t’uan dingmi an si tiah a chim.

Source: chindwinpost

Author: Salai Ephraim