NLD Le USDP A Thli In An I Pehtlai Ti A Fian Nak Cu Tatmadaw Le AA An I Kah Nak Hmun Paoh Ah Internet Line An Phimh Mi Hi Tehte A Si.

Chin miphun tampi hna nih cun USDP le NLD hi pehtleihnak an ngeilo tiah tuchun tiang a ruat mi kan um.cucu a hman lo taktak mi a si.zeicatiah Kawl ralkap Tatmadaw le AA Tapung hna,Paletwa ram kulh chung an i kah doh nak hmun paoh cu Internet line phih khar dih peng a si.cu nih cun fiang taktak in USDP le NLD an i pehtleihnak a fianter nak cu a si.USDP nih Internet line cu an mah duh paoh in an control mi a si.

Cun USDP nih cu ti bantuk in Kawl ralkap Tatmadaw le AA Tapung kahdohnak hmun paoh ah Internet line phih khar a timh paoh ah cun NLD sin ah ruah nak a hal hnu ah lungkhat tein an phih khar mi a si.zeicatiah Kawl ralkap Tatmadaw pawl hna thil tuah mi cu vawlei pi nih a theih or a hngalh sual lai ti an phan mi kha a si bik.cu ve bantuk in Pi Suh party NLD zong nih Kawl ralkap sual nak cu mipi nih thei sual lai ci ti in an sual nak a langh lo nak dingah hnatlak nak a tuahpi lengmang hna ti cu a fiang.cu ti bu cun USDP le NLD an i pehtlai lo na ti ngam rih lai maw?


Vawlei cung ralkap dirhmun kan zoh a si ah cun Ralkap cu mipi humhim tu dingah dirh mi an si tiah chim usih law kan palh tuk lai lo.asinain Kawl ralkap Tatmadaw hna nih cun a mipi humhim nak ruat lo in mipi sin ah hriamnam t’ihnung tampi a hman.mipi humhim nak ruat ngai i aa umter na in zei sual nak ngeilo tampi a thah cang hna.AA tapung he an i kah doh nak ruangah civil mi a thi mi paoh cu AA a puh hna i sual a phawt hna.Kawl ralkap Tatmadaw kut in Paletwa Chin miphun hi pa zei zat rem ruam dah an thi cang hnga mu.


Myanmar ram mipi nih USDP nih kan duh bak hna lo na in an dir kho peng.Kawl ram ralkap pawl hna sining,dirhmun khi zoh usih law a tam deuh cu fimthiam nak ngeilo lawng te an si ti cu an cawlcangh in a lang.Nu le Pa karlak ah a t’hang lian lo mi le mah duh paoh in khuasa mi,mah le mah i cawlsan i nawlngeih nak sang cem a duh mi hna an si.Paletwa Chinram cu AA tapung nih kan ram,kan ta tiah an nawr cuahmah.cu lio ah Chin ralkap kan i ngeih chun CNF nih le Tatmadaw kut ah a chiah i a cawlcang ngam loh.USDP le NLD a tu bantuk in an i pehtleih chung cu Paletwa chin miphun pa zei zat dah an thi t’han te lai.Chinram cu a ngeitu CNF nih a humhim cang awk cu a si hnga lo maw?

Author: Salai Ephraim