Federal a herhtu le Federal ngeih a herhtu hna hi mi zei party dah an si?a ngaingai tiah cun NLD le USDP nih Federal an herh hrimhrim lo.NLD le USDP nih cu tluk in Federal an herhlo ti kan theih ko bu ah a herh ngai mi bantuk in Federal bia an chim a si ah cun mipi an kan hlen i an vote hmuh nak ding ca men men ah an i chimter biatu a si deuh ti hi mipi nih kan i fian a herh taktak.
Federal a herh taktak mi le Federal lo in a cawlcang kholo mi hna cu NLD le USDP si lo in kum 70 renglo kawl nih a kan nemneh mi cawlcang kho lo in le hnawg t’hahri in an kan hmeh mi Tlangcung mi tu hi kan si.caan zei maw zat chung lutaw theilo in an kan tuah ning le Tlangcung mi hna sin ah tuchun ni tiang an cawlcangh mi kham khawh nak ding caah cun Tlangcung mi hna nih Federal kan herh.zeiruangah kan ti a si ah cun Miphun lianpi nih a ke tangah a kan chiah caah a si.
Tlangcung mi hna nih kan mah le ram chungah mahte in i uk khawh ding le kan mah tein nawlngeihnak hman khawh ding cu Tlangcung um miphun vialte hna nih kan duh dih.Kawl miphun NLD le USDP a cozah hna nih cun Federal an herh lo.a ruang cu phunghram a fek mi nawlngeihnak an ngei dih cia cang hna Federal cu Tlangcung miphun hna lawng nih kan herh tiah chim khawh a si.asiah teh cu Federal cu zei tin dah kan hmuh khawh ne kun lai?
Federal le Democracy si hi mi zei ram hmanh nih miphun fa tete le Party fa tete hna sin ah va kal in Federal le Democracy pek nan duh maw tiah ruahnak va hal in an pe bal hna loh.asinain cu Federal le Democracy a herh taktak mi hna nih cun an herh ningin biatak tein an cawcang i rian an t’uan hnu lawngah an rian t’uan nak theihpar in an hmuh tawn mi le an pek tawn mi hna an si.cu si caah cu Federal le Democracy hmuh khawh nak dingah a ho nih dah rian a t’uan ne lai?
Federal le Democracy hmuh a herh taktak mi hna nih lungthin khat le lungrual tein(awkhat) chuah t’i in ram le miphun t’hanchonak ruat in le miphun party ah hram bunh in thih ngamh in rian kan t’uanti nak lawng nih hin cu Federal le Democracy kan hmuh khawh nak ding caah lam hmuhsak tu a si.cu ti lawnglawng in kan va hmuh khawh te dingmi khi a si.Federal le Democracy kan hmuh khawh nak ding lam zawh lo in le mah party dirkamh lo in lam dangdang ah mah duh paoh in kan i thui pengmi hi cu khuaruahhar cu kan si ko.Federal le Democracy a herhlo ti kan theih mi hna nih vote rak kan pe law cucu khakha kan i pek lai an ti ruangah calsaruh chonh in kan dirpi pengmi hna hi fak deuh in khuaruah caan a si cang.
