Kan theih dih cang bantuk in Phunghram Pohmah 261 cu Tlangcungmi kan caah mahte acozah serkhoh lo ding in an suaimi Centralization asi. U Nu chan democracy zong kha Kawl nih Center in an rak kan uk. Atu zong 75% cu democracy asi kan ti khoh. A tu tiang zong Kawl Baho (Center) nih an kan uk thotho rih.
USDP le Ralkap nih phungning tein Pohmah 261 cu remh dingin (decentralization) an van chuahpi ko nain NLD nih an duh colh lo. Upadi remh dingmi 2765 lak ah Pohmah 261 thengtheng te hi ziah an duh hnga lo.?USDP le Ralkap nih an chuahpi mi zong hi kan zawn ruah bia asi fawn loh. An mah zawn an i ruah mi asi kho men.
Zapi fiang nak in chim ahcun, upadi remh dingmi dihlak 2765 nak in Pohmah 261 pakhat te remh hi kan nih Tlangcung mi ca ahcun a biapi deuh mi asi. Pohmah 261 remh khoh cu Federal tling cu asilonain Federal luhnak inn kaa hleihlak pakhat nak asi.Cun, kan i fiang awk pakhat cu atu kan hmuhmi 75% Democracy hi Ralkap nih an kan pekmi asi ti kha theih a hau. Mipi dihlak nih democracy caah kan colcanghnak (prodemocracy movement) i a theipar zong a si ve ko lai. NLD party pakhat colcanghnak ruangah kan hmuh mi a si lo.
Chinmi Laimi tampi nih nan i thawh le Phunghram pi siamremh khotu cu NLD lawnglawng asi caah NLD vote pek ahau rih ko nan ti ttung. Ziah Tlangcungmi nih kan herh cemmi hmanh remh a duh ne ttung lo.Remh ding le remh lo ding a result ngaingai a chuak rih lo nain buaibai ngai le har ngai in an i el mi an thinlung hi duh lo kan puh hna. Kawl le kawl cu an kee an i hmu.Credit: Jacob R. Thang
