NLD Originally Kawl Party Nih Pilitics Ideology Le An Goal Taktak Hi Zei Dah A Si Na Thei Maw?

Kan Chin party hna lak ah kan telh tawnmi hna NLD ( originally Kawl Party) nih an politics ideology le an goal taktak hi zei dah a si?Kan miphun le kan ram,kan holh le kan Ca,kan nunphung le kan Biaknak etc..vialte hna hi teh humhim piak taktak an kan tim maw?Kawlram ramkhel party vialte hna lak ah 1936 lio in United GCBA zong hi party pa nga i fonh in an rak dirh mi a si.An politic ideology cu tampi chim hau lo in mit hmuh kut tawngh in kan theih dih mi kha a si.

Multi leadership zong an rak hman dih cang.ramkhel rian an t’uan nak chungah hlawhtlin nak an hmu chin leng mang i,Lothlo pawl hna dothlennak 1930-31 lio kha khuaruahhar a si.Kawl miphun Mi harsa le Lothlao pawl hna nih cun i fonh in Phungkyi Saya San timi pa an rak komh ve i,Mirang pawl hna an rak doh ve hna tik ah ralkap 3.000 renglo hna nun nak cu an ram le miphun,an holh le an Ca ,an thuamthil etc..humhimnak caah an nun nak an rak pek.Saya San hi U Soe Thein GCBA nih Tharrawaddy pengah tihthing ( fire wood) lak dingah an rak thlah mi a kuttang rian t’uantu a si.

Cun, Mirang cozah le Indian mirum pawl hna karlak an ipehtleihnak a rak dohtu a si ve.1928 lio ah Phungkyi Saya San nih cun U Soe Thein GCBA kut tang rian a t’uan nak in a rak chuah tak.cu le cangka in Kawl miphun Lothlao le Mi sifak pawl hna cu a rak t’hit hruai hna i ralkap a rak dirhpi hna.1931 November thla ah Saya San nih cun a Miphun le Biaknak caah a nun nak a rak pek.a hlan lio in tuchun tiang NLD nih ram an khel ning le politics ideology le an goal taktak cu Tlangcung mi hna Ca le holh,Biaknak le nunphung kilhkamh piak si lo in an mah Kawl nunphung le Ca holh le Biaknak lei kilhtu hi an i tinh deuhmi a si tiah chim khawh a si.

Phungkyi Saya San photo.

Miphun dang tuanbia kan zoh tik zongah an mifim pawl hna le an Cathiam pawl hna nih cun an ram le miphun,a Ca le holh,an nunphung le an Biaknak ab kilhkamh khawh nak ding caah an nun nak an pek.cu lio ah kan nih Chin miphun hna cu Upa le mifim mithiam kan i neih mi a tam u hna nih cun an mah pumpak thangt’hatnak lawng an kawl i,duh-am nak in an khat.Mipi zong nih zei hlei hlah.kan mi mifim thiam pawl hna nih ( selfish) an ngeih tluk in mipi zong nih kan ngei ve fawn.curuangah Chin miphun hi ka sikel ah kan um peng nak a si.kan lung a fim kho te hnga maw?

Note:Hi Ca hi “Thangce Lal”nih Kawlram Politics le Chin Party ( Part 4) a t’ial mi chung in vun lak mi a si.

Author: Salai Ephraim