NLD Party hna nih hin ramt’hen (Region) ah i zuam in 2020 ithim nak ah USDP Party hna cu an duh ah cun an tei khawh ko hna.zeicahtiah cun USDP acozah kai t’han nak ding caah cun Tlangcung party dihlak hna nih an duhlo.Cun, zeiruangah dah NLD Party pawl hna nih ramkulh pa sarih(state) a si mi Chin ramkulh telh in NLD Party t’hawn nak dingin fak taktak in an i zuam.
Curuangah NLD Party hna nih cun Chin miphun hna um nak ah cun USDP Party nih zei tik hmanh ah vote an hmu lai lo tiah an theih ko.asinain Chin ramkulh chung i NLD Party hna nih CNLD Chin Party tei dingin rian an t’uan nak kan zoh a si ah cun NLD Party nih a tu ah a t’ih bak mi Party le an opposition party hna cu midang si lo in CNLD (Chin Party) hi a si tiah fiang tein hmuh khawh a si.
Federal Democracy phunghram ning tein Rampi cu kan hruai lai tiah NLD Party nih biatak tein an chim phuan pin ah NLD nih Chin ramkulh chung zongah teinak hmu dingin biatak tein rian an t’uan cuahmah (teinak) cu kan mah ta a si lai tiah an chim.asinain Centralization Democracy system si lo ding cun Ramkulh chungah an mah Miphun Party cak in a cozah ningcang tein an dirh khawh an hau.
Cu tibantuk in rian an t’uan khawh lawngah Federal Democracy tiah kan kawh khawh hna lai.asinain NLD Party hna nih an kal phung cu Federal Democracy nak in rampi a cozah chungah Party pakhat lawngin nawlngeihnak le Bahu ah zei zongte nawlngeihnak hi an mah ta siding in an i tinhmi cu a si.Chin ramkulh chungah NLD Party pawl hna nih Chin Party doh lo in an um hmanh hna sehlaw,Chin Party pawl hna thazaang pek an/kan thiam lo a si ah cun Daw Aung San Suh Kyi i tuah a timh mi le a tinhmi Federal Democracy lampi a sial piaktu ah kan si lai.
Credit: Thang Boo(CIM)
