Kan Chinram t’hanchonak ca le kan Chin miphun t’hanchonak caah cun NLD party cu zei hmanh an si hlei lai lo. zeicahtiah NLD party hruaitu hna nih cun kawl ram pumpi thimnak an rak tuah lai ah NLD nih cun a lam kip in Campaign an rak tuah bal cang i Chin mipi hna sin ah teinak kan hmuh a si ah cun a kawl cozah ralkap nih kum 2008 lio ah phunghram an rak sermi cu ka remh lai tiah an rak chim bal cang.
Cu tik ah Chin mipi nih kan rak zumh hna i NLD ah cun a misek IN vote kan rak pek hna.Chin mipi thawng le vote a petu hna thawngin National League for Democracy party NDL hna nih cun teinak an rak hmuh i kawl ram pumpi cu an mah kut tang ah an chiah/hruai khawh taktak hna.NLD pawl hna nih cun nuam taktak in an nung i Chin mipi hna sin ah biakamnak an rak tuah mi le an biachim mi vialte hna cu an philh dih.
Cun kum 2008 lio ah a kawl cozah ralkap hna nih an rak sermu phunghram hna cu kan remh lai tiah an rak chim mi vialte hna cu an philh dih.kum 2008 kawl cozah phunghram remh vun chim lo i Chin mipi cungah zei dah kan rak chim ti mi hmanh an thei kho ti loh.hi phunghram ruangah zei dah acang ti mi zong an dothlat zuam ti lo.NLD nih cun kawl cozah nih nawlngeihnak vialte an lak dih i 2008 phunghram cu remh khawh nak nawl kan nei lo tiah an rak chim.
Note: a cunglei kan chim mi na rel dih hnu in cun nang mah le nang mah ah fiannak a um lai tiah ka zumh.Chin miphun hi zei dirhmun ah dah kan dir?a tu tiangin NLD sal kan si cuahmah rih ko mi cu a poi taktak.
Credit: Zalen Lairam
