NLD Party Nih Federal Chim Hlah Democracy Tiang Lawngin Rampi Hruai A Tim Mi An Lo Cang

NLD party nih hin Democracy tiang lawngin Kawlram, rampi hi kalpi le t’hit hruai a kan timh ti hi a fiang chinchin cang ko.Kawlram Democracy konghe pehtlai in NLD nih hin Democracy i t’hit hruai ning hi zei bantuk dah a si ti hi a thei fianglo ko khi an lo,zeicatiah NLD cozah nih tein nak a rak hmuh lio in Kawlram,rampi cu Democracy ram a si cang tiah an phuan cang na in Democracy i t’hit hruai ning in an kan t’hi hruai duh fawn lo.mipi ruahnak ah cun NLD nih Democracy it’hit hruai ning an thei lo bia a si kho tiah a ruat mi tampi an um cang.

Cu pin ah NLD cozah nih kum 2020 i thimnak ah teinak hmuh an i tim fawn rih.Kawl mipi vun chimlo kan mah Chin miphun zong nih vote pek timh rih an si.a ngaingai tiah cun NLD kal ning cu Democracy min lawng i put in rampi hi hruai an timh.kum 2008 Kawl ralkap sermi phunghrampi chungah ram hruai le cawlcangh a nuamh in an theih deuhdeuh. Shan, Kachin, Chin miphun hna caah Federal cu NLD nih tuah piak cu an kan tim lo hrimhrim.

Kum 2020 ithim nak konghe pehtlai in Kawlram,rampi chungah Mipi nih an ruah nak ah cun NLD lawng hi Democracy ram ah a kan hruai khotu ding an si tiah an ruah.cu bantuk ruahnak cu a hman lo mi ruahnak le (palh t’anh) a dik lo mi ruahnak a si.NLD nih state 7 chungah an mah le ti khawh ning cio in Development an tuah tik ah nation building an rawh chinchin.na hmuh ning le na ruah ning zalong tein comment nak ah langhter khawh a si.

Credit: Salai Kapte

Author: Salai Ephraim