NLD Pyithu Hluttaw Palai U Win Myint Aung A Nupi Le Fa Le Vialte An Tlaih Dih Hna

Saipin NLD Palai U Win Myint Aung inn SAC ralkap nih an luhhnawh, anupi, afa le anaupa an tlaih hna.Sagaing Ramthen Depeyin Peng Saipin khua NLD Palai U Win Myint Aung inn cu August 12, chun ah SAC ralkap nih an luhhnawh i amah a umlo ca ah anupi, afa le anaupa an tlaih hna.”U Win Myint Aung cu aa thup. SAC ralkap nih innchung thilri vialte motor cung ah an khin i anupi, afa le anaupa tiin an kalpi hna. Khoika an kalpi hna ti theih a si rih lo,” tiah khuami pakhat nih a chim.U Win Myint Aung cu Depeyin Peng Pyithu Hluttaw Palai a si, tiah Khit Thit Media nih a langhter.

Relchap: Falam Peng, Taal Khua ah SAC Ralhrang nih Biakinn an Tlok, Innzuat Sattil an Thah Dih. Falam peng, Taal khua ah SAC ralhrang pawl ni 5 chung an caam i biakinn telh in innchung thilri an tlok dih hna.Khuami hna i innzuat sattil vialte zong an thah i an ei dih hna, tiah khuami pakhat nih a chim.

“Biakinn chung ah an duhduh in an lut. Biakinn chung zong a rim a chia dih cang. Khuachung inn pawl zong meithal in annkah dih hna. Inn 20 hrawng hi cu a that in sak an hau lai,” tiah a cunglei khuami nih a chim.Atutan hi SAC ralhrang nih Taal khua a voi hnihnak an luh hnawh a si.


SAC nih Myanmar rampi uknak an chuh caan thawk in nihin ni tiang ah SAC zaamtak in CDM a lutmi ralkap 1,500 hrawng an si cang, tiah CDM a lutmi ralkap pawl a bawmtu Captain Lin Ttet Aung nih a chim.”CDM a lutmi ralkap mi tam u hi rank niam an si hna. Sergeant rank le rank ngei lo an tam i, Lieutenant Major le Major rank a simi ralkap 100 hrawng zong an i rel,” tiah Cpt. Lin Htet Aung nih a chim.

“CDM a tuahmi ralkap pawl ttha tein zohfelnak le checkhlatnak tuah a si tik ah an zapi in raldohnak lei ah an panh kho rih lo. Raldohnak taktak a chuah tik ah cun i teltum a duhmi an tam deuh,” tiah a chim chap.June thlahthawh tiang ah khan CDM a tuahmi ralkap 800 hrawng lawng an rak si i, atu August thlathawh ah acheuchum an karh. Cpt. Lin Htet Aung zong hi DSA-No. 54 in ralkap cawnnak a dihmi a si i, April thlathawh lei ah CDM ah a rak lutmi a si. Atu ah cun SAC ralkap chung in CDM luh a duhmi pawl pehtlaih le bawmhchanhnak lei ah ttuanvo a lami a si.

Credit: The Chin Journal