North Carolina Le Miami Palek Pawl Hna Khupbil Thlacam Bu Bak In Mipi Ngaihthiam An Hal Hna

US ram tualchung buainak a hrampi cu Minak pa George Floyd nih a deu phaisa $20 in thil a cawk ruangah a mah tiangin a nun nak a liam i,buai nak a linsa chin lengmang.President Trump nih a ralkap phu pawl hna zong Washington DC lei ah a kalter cang hna.hi buaibai nak kongah Trump nih cun State kip uktu “governor” pawl sual a phawt hna.an rian an i theihlo caah mipi nih an hmai ka ah duh paoh in an cawlcangh ngam nak hi a si tiah a chim.

 

 

 

 

 

 

 

 

 

 

Atu lio minak pa thihnak konghe pehtlai in US tualchung buaibainak kongah US ram uktu hna ruahnak hi a dang lawng cio ti khawh a si.zeicatiah an mah t’uanvo neitu Palek lila hmanh hi an i ruang lo ngaingai.US state chung hmun dangdang hna ah cun Palek nih biatak tein sandahpiahtu hna cu an phomh hna hna na in Miami state Palek Officer pawl hna nih cun sandahpiahtu hna hmai ka bak ah khup bil in thlacam nak he ngaihthiam an hal hna.

 

 

 

 

 

 

 

 

 

 

 

North Carolina state chung zongah t’uanvo neitu Palek minung 60 renglo hna nih cun sandahpiahtu hna hmai bak ah an khup an i bil t’han i ngaih thiam an hal ve fawn hna.cu pin ah thlacam t’i nak caan zong an hmang.North Carolina state Palek bawi minung 60 renglo hna nih khup bil in ngaihthiam an hal hna lio ah hin chikhat cu sandahpiahtu hna nih zei ah an rel hna lo.an duh paoh in mithil”dawr” cu an bauh i an lak t’hiam rih.

 

 

 

 

 

 

 

 

 

 

 

Asinain minutes 30 tluk chung an khup bil in ngaihthiam an hal mi hna cu hmual a nei i mipi dai dap tein an um.cu hnu ah Palek hna nih an chimh mi hna cu duhlonak langhter tik ah ningcang lo in mithil lak piak le rawh piak kha kan hman awk a si lo.sandah kan piah zongah a ning cang tein kan kal deuh awk a si tiah an chimh hna i mipi nih cun dai tein sandah cu an piah cang tiah mirang nu “Monika”nih cun a chim.hi thil a can nak hmun hi North Carolina state chung Fayetteville, Murchison Road zalam pi bak ah a si tiah a chim.