North Korea Cozah Nih Australian Ram Mi A Thuh Mi Cu Swedish Cozah Nih A Chuahter

North Korea, Pyongyang khuapi chungah Sianghleirun a kum 2nak a kai cuahmah mi Australian ram mi Mr Alek Sigley cu a um nak inn in ruahlo pi ah a tlau.hi konghe pehtlai in Australian Prime Minister Scott Morrison nih cun Japan ram G-20 Summit an tuah nak ah hawi hlei in a cam i thil umtu ning felfai tein dothlatnak zong a tuah.asinain Mr Alek Sigley tlau nak konghe pehtlai in zei hmanh hmuh chuah mi a nei kho hlei lo.curuangah North Korea ram chungah Mr Alek Sigley a tlau ning cu North Korea cozah nih zei hmanh an chim duhlo mi cu thil poi ngai a si tiah a chim.

Cun, Australian Prime Minister Scott Morrison nih cun North Korea ram chungum Swedish embassy sin ah Mr Alek Sigley a tlau nak konghe pehtlai in nawlpatnak a tuah i,Mr Alek Sigley kongah biatak tein Swedish embassy nih dothlatnak a vun tuah piak i July 4 .2019 ah Mr Alek Sigley cu chuah a si.a mah belte a tlau nak konghe pehtlai in North Korea cozah lei in zei hmanh fianternak an tuah rihlo tiah North Korea News website nih cun a chim. Mr Alek Sigley hi Korea ram ah kum 2nak a um a si na in Korea holh cu a thiam taktak mi a si i zei ruang set ah dah tleih a si ti hi zei hmanh a fiangmi a um rihlo.

 

Australia media pawl hna nih an chim ningah cun Mr Alek Sigley chuah a si le cangka in a hringtu a pa cu a vun chawnh i,zei hmanh hliamhma ka nei lo i t’hatlo nak zong zei hmanh ka nei lo ka t’ha dih ko tiah a chimh ta tiah an chim.cun,Mr Alek Sigley a hringtu a pa Mr Gary Sigley nih cun ka fapa a thi cang rua tiah ka ruah mi nih nung dam tein a um ti le a hmah hmurka bak ka vun theih hnu ah cun ka taksa le ka thinlung a zaw mi le ka phur a rit mi vialte hna cu an zaang dih i lunglomhnak in ka khat tiah a chim.

Hi konghe pehtlai in Australian Prime Minister Scott Morrison nih tuchun ah a chim tuchun ah Mr Alek Sigley cu Democratic People’s Republic of Korea nih nung dam tein a chuah cang tiah Australia parliament pawl hna sin ah thawngthanh nak a tuah.asinain zei ruangah dah North Korea cozah nih Mr Alek Sigley an tleih ti cu fianternak a tuah mi a um rih lo pin ah Mr Alek Sigley zong nih zei hmanh an chim phuan mi a um rih lo tiah an chim.

Author: Salai Ephraim