American cozah nih naite ah khan North Korea cozah nih zalong taktak in a tilawng Cargo Ship hmang in ramdang dang ah chaw a leh peng caah US nih cu Cargo Ship tilawng cu a rak tlaih piak hna.cun North Korea nih an tilawng Cargo Ship cu Washington kut ah a um ti a theih in nawlpatnak a tuah i Washington nih cun pek a tim hna lo pin ah a herh a si ah cun kan zuar lai tiah an rak leh bal cang hna.
Cun US Justice Department nih cu North Korea tilawng cu ni 60 chung bak um kalter lo ding in biachahnak a rak tuah piak fawn.hi thil ruangah Pyongyang cozah nih cun Washington sin ah cun Trump le Kim Jong Un a voi 3nak ton bai ruahnak nei kho hna seh ti nan duh a si ah cun a ran nak in kan tilawng nan tleih/hren mi hi rak thlah uh tiah an hrocer hna.
North Korea nih Washington cozah sin ah mah bantuk bia a chim hi nizan nai i New York khuapi ah news conference an tuah nak ah North Korea UN Ambassador Kim nih a chim tiah an chim.
cu hnu ah North Korea nih cun UN General Antonio Guterres sin ah Ca an kuat t’han i North Korea le US karlak ah buaibainak a chuah nak hnga lo US nih North Korea tilawng a tleih piak mi hna hi rak thlah piak hna sehlaw a t’ha deuh lai tiah Ca an kuat t’han tiah an chim.
Amah belte hi thil konghe pehtlai In US nih zei bia a chim mi hmuh awk a um hraw rih lo i US nih North Korea cozah a hrocer nak cu zei tin dah a leh ve te hnga?
Source: BBC