American nih North Korea ram chungah thil a cangmi konghe pehtlai in human rights rian an t’uan nak le Biaknak lei ah North Korea ram chung Khrihfa mi hna nih zalon nak an hmuh khawh lo nak kong le tem in nak an tuar ning hna cu vawlei pi theih in chim phuan nak a tuah tik ah North Korea cozah nih a diklo mithil a si tiah UN human rights biachim tu hna cu a letling in sual a phawt hna tiah an chim.
North Korea cozah, Ministry of Foreign Affairs hna nih cun American nih North Korea tualchung thil a cangmi kongah mah bantuk thil an chim mi hi ningcanglo thil a si,American nih North Korea cu ningcanglo in sual phawt an kan duh bia a si i hi thil an chim mi chungah a hman mi zei hmanh a um lo tiah thawngzamhnak an tuah ve.cun,American nih North Korea ram hremnak caah ‘National Emergency’ nawlngeihnak hman t’han a timh mi zong North Korea nih cun thil kal phung a si lo tiah a soisel fawn tiah an chim.
American Trump cozah nih hin North Korea ram hrem dingin ‘National Emergency’ cu a herh a si ah cun kum khat chung zong kan hman t’han lai tiah an chim.asinain North Korea ram kongah ‘National Emergency’ hman a si taktak lai tiah biachahnak taktak tuah a si rih lo.cun, North Korea cozah nih cun American nih a duh tawk in hremnak cu kan cungah rak tlunter hmanh sehlaw American kut ah cun North Korea cu kan i pe bal lai lo tiah an chim.
North Korea nih cun kan ram hi American nih a mah duh caan paoh ah a dirter ding le a t’hutter dingmi kan si lo. American nih a mah duh paoh in tuah nak nawl a ngei lo.North Korea ram nih Nu hrincovo kan nei ve.American kee tangah cun zei tik hmanh ah kan um lai lo.American ram kut tangah um nak ding cha cun thil t’halo cem mi tuah hmanh kha kan i thim deuh lai tiah North Korea Ministry nih a chim.
Source: BBC
