North Korea Le China Nih Biachahnak An Tuahmi Cu American Ram Caah Tahchuak A Si Ko Cang

Asia Pacific rili humhimnak konghe pehtlai in North Korea le China ram hna nih cun nizan ah khan biachahnak an tuah t’i t’han cang.Asia Pacific rili ah hin cu hlan chung vialte cu America ram le India ram hna nih hmun khat ah rian an t’uanti nak rili a si.caan karlak ah North Korea le China nih Asia Pacific rili kongah biachahnak an tuah ning hi a phun dang ngaingai.

 

China nih South China Sea rili ah ramdang mi hna pal khawh lo dingin para a kham kanh ning hna bantuk bak in a tu hi North Korea le China nih Asia Pacific rili cu humhim an timh i midang paikai awk t’ha lo ding bak in tuah an timh tiah an chim. Chinese commander nih a chim ningah cun Asia Pacific rili ah American a cawlcangh ning cu ngiatthli peng a si tiah a chim.

 

Cun, Asia Pacific rili ah American lawng si lo in ramdang mi hna mi zei dah a cawlcang ti zong felfai tein ngiatthli an si.hi hnu caan tlawmpal hnu ah cun khi hmun ah khin mi zei hmanh cawlcangh a ngah ti lai lo i Beijing le Pyongyang minung hna lawng an cawlcang kho cang lai tiah a chim.

 

North Korea nih a voi 2nak missile hriamnam hneksak nak a tuah hnu in North Korea military official Kim Sugil cu Beijing khuapi ah a kal i cu hnu in China le North Korea nih Asia Pacific rili kongah biachahnak an tuah hi a si.a mah belte hi kongah China le North Korea nih zei set dah tuah an timh ti mi theih a si rih lo tiah an chim.

Source: BBC

Author: Salai Ephraim