North Korea ram hruaitu Kim Jong Un nih a duh lo taktak mi cu American cozah ralkap le South Korea cozah ralkap hna nih hmun khat teah raltuk ning cang “training” tuaht’i hi a si.North Korea hruaitu Kim Jong Un nih hi thil an tuah sual lai ti a phan ruangah Trump he ton biaruahnak an ngeih hnu in Pu Kim nih voi 2khelte bak a hriamnam hneksak nak a tuah t’han cang.Pu Kim nih a hriamnam hneksaknak a tuah mi hna cu South Korea nih ralrin nak an kan pek mi a si tiah a chim cang.
Asinain American cozah ralkap hna le South Korea ralkap hna nih cun hmun khat teah ” joint annual war game training” cu an kalpi thiam t’hiam.hi ruangah hin North Korea hruaitu Pu Kim Jong Un nih cun American nih South Korea he hi thil an tuah mi ruangah American le North Korea nih nuclear hriamnam kongah remdaihnak ser dingin tawlrel cuahmah mithil cu American nih a buar ti nak a si tiah a chim.
South Korea defence ministry Choi Hyun Soo nih cun kaphnih cozah ralkap hna nih hi thil an tuah nak a sullam taktak cu ruahlo pi ah vawlei ralpi thoh sual sehlaw,cu tik ah cun Washington nih a cozah ralkap pawl hna South Korea khawpi chung “Seoul”ah a um ter mi hna cu tlang a rak tlakter kho hna hnga maw?ti mi hneksak nak caah tuah mi a si,zei dang thil a rawlh mi a um lo tiah a chim.
North Korea nih cun South Korea nih American cozah ralkap hna he hi tibantuk in training a tuahpi mi hna cu South Korea nih North Korea kah/doh an kan timh biatu a si tiah a ruah.cun,hi ruangah hin American le North Korea nih nuclear hriamnam kongah ton biaruahnak ngei t’han dingin saduh-thah mi vialte hna cu kalpi lo in mak rih a si lai tiah a chim.hi thil kongah American nih zei bia hmanh a chim hraw rih lo.
Source: BBC
