North Korea cozah nih cun US National Security Adviser John Bolton an ti ning cu khuaruahhar taktak a si minung ah an rak rel bak lo hi t’ha tein rak rel hmanh.North Korea nih cun Security Adviser John Bolton cu miziat’halo,minung tlak zong a si loh ti ah an chim i North Korea nih a tu bantuk in Security Adviser John Bolton an soisel nak a ruang hi aa phundang ngaingai.
US National Security Adviser John Bolton nih cun North Korea cozah nih a hriamnam hneksaknak a tuah lengmang ruangah chimhhrin khawh lo mi minung an si i UN Security Council nih a donghnak an laksawng cu pek cang awk an si tiah a chim pin ah North Korea nih cun US nih phunghram a sermi le UN phunghram cu zut ko in an pah cang tiah Tokyo thawnglatu pawl hna sin ah a chim i curuang ah cun mah bantuk in an ti ve nak a si tiah an chim.
Cun Trump nih cun North Korea nih cun a duh tawk in a neih mi a hriamnam hna cu hneksaknak tuah ko hna seh!hi tibantuk in an hriamnam hneksaknak an tuah mi hi buaipi tlak an rak si lo an mah duh poh in cawlcang ko hna seh tiah a chim ve t’hiamthiam.North Korean foreign ministry minlanghter lo mi pakhat nih cun a tu hi North Korea kongah Trump le Japan Prime Minister Shinzo Abe hna nih kan kawnglam an kan ceih cuahmah tiah a chim.
Trump nih twitter ah a tar ningah cun ‘North Korea fired off some small weapons, which disturbed some of my people, and others, but not me’ti bak in a tar.cun Pyongyang’s official Korean Central News Agency nih chim ningah cun US National Security Adviser John Bolton nih hin zei tik hmanh ah kan nih cu rak kan chawn ti hlah seh.a rian t’uan ning hi Security Adviser si lo in Seurity rian t’uan nak a rawktu men a si tiah an chim.
Source: CNN
