Australian ram mi Mr Alek Sigley cu North Korea ram chung Pyongyang khuapi chungah Sianghleirun kai in khua a sak cuahmah lio ah a um nak thei lo in a tlau tiah an chim.hi konghe pehtlai in Australian cozah le mitlau a chung khar hna nih cun Mr Alek Sigley nih thil sual a tuah i a cungah hrem nak an pek a si ah cun North Korea nih fiang tein rak kan chim kho hna sehlaw? kan duh,cun a thih le a nun zong thei lo in um cu tuar a har deuh tiah an chim.
Cun,Australian cozah nih cun North Korea ram chungah Mr Alek Sigley a um nak thei lo in a tlau mi cu kap hnih cozah i pehtleih nak lei ah thil t’ha lo ngai ngai a si.zeicahtiah thil sining hna cu fiang tein North Korea cozah nih thawng thanh nak le theihternak zong an kan tuah awk a si tiah an chim. Mr Alek Sigley hi mino te a si bantuk in cu hlan ah cun a hawi le hna he i pehtlaihnak an nei peng i a tlau hnu cun a hawikom pawl hna zong nih zei tin dah a tlau ti mi a theitu a ho hmanh an um fawn lo tiah an chim.
Cun,Australian ram mi Mr Alek Sigley a tlau nak konghe pehtlai in North Korea ram chungum mi hna Asian ram mi pawl hna nih cun Pyongyang cozah nih Mr Alek Sigley hi a tleih ruangah a si lai tiah an chun tiah Australian Broadcasting Corporation an chim.Mr Alek Sigley Sianginn kai nak hi Kim Il sung University Sianghleirun ah”Master’s degree” a kum hnih nak a cawng cuahmah lio mi a si.North Korea ram ah a mah bantuk in Sianghleirun a kai mi hi a mah lawnglawng a si,midang a ho hmanh an um lo tiah an chim.
North Korea cozah nih hin a ram chungah ramdang mi Sianghleirun a rak kai mi hna chungah cu hlan zongah a rak tleih bak cang hna i ningcang lo in an cungah rian t’uan a hmang.kum 2014 lio ah khan Australian ram mi t’hiam t’hiam Mr John Short zong an rak tleih cang i,an tleih nak le an hrem nak konghe pehtlai in Australia cozah nih dothlatnak a vun tuah tik ah cun khualtlawng(tourist)pawl tlun nak inn ah an chiah mi thonglawi a deh ruangah hrem mi a si tiah an rak chim.
A tu thil a cangmi ruangah Australia Prime Minister Scott Morrison cu Japan ram ah G-20 Summit an tuah nak ah zei maw caan zong a cam phah,a si na in a tu tiangah cun zei hmanh phuah hliah khawh mi an nei rih lo tiah UN Human Rights zong nih a chim i.hi ruangah UN Human Rights nih North Korea cozah cu a soisel ngaingai t’han tiah an chim.
Source: BBC