North Korea Ram Cu An Pasal Tha Kim Jong Un Min Lawngte In A Khat Ko Cang Hih

North Korea ram nih cun phunghram thar an ser t’han cang i,Pu Kim Jong Un cu Head of State nawlngeihnak sang cem mi an pek t’han cang.cu hlan ah cun Kim Jong Un hi North Korea military commander-in-chief nawl ngeihnak sangcem mi lawng a nei.asinain a tutan ah cun North Korea ram chung nawl ngeihnak sang cem mi pahnih bak pek a si cang tiah North Korea nih official tein thawnhzamhnak a tuah taktak cang.

Kim Jong Un hi North Korea top governing body State Affairs Commission (SAC) chairman sinak lawng a nei tiah an rak chim peng mi a si na in a tutan North Korea nih phunghram an ser nak ah Head of State nawl ngeihnak an pek t’han a si ah cun Kim Jong Un cu North Korea ram mi vialte hna i an ai-awhtu a si cang lai.North Korea min thil tuah ding paoh ah cun a mah nawlngeihnak in zei thil paoh a tuah khawh cang lai.

 

Cun, Kim Jong Un nih cun North Korea ram nih a neih mi hriamnam kongah American ram duh nak cu zuhlh piak a timh peng lo caah North Korea ram cu, ramdang mi hna caah cun (nuclear weapons state) tiah a min an khawh peng rih.Kim Jong Un nih North Korea cozah ‘supreme leader’ sinak le an ram mi vialte ai-awhtu sinak a ngeih dih a si ah cun American ram he remdaihnak an ser khawh cang men lai tiah a chim mi zong an um.

Zeicahtiah cun Kim Jong Un nih North Korea nawl ngeihnak a lak nak a ruang hi American Trump cozah he remdaihnak ser a duh ruangah a si men lai tiah an zumh.

Source: BBC