North Korea Ram Hruaitu Kim Jong Un Nih Thlalau Ngai In A Hriamnam Hneksaknak A Tuah Than Hoi

North Korea ram hruaitu Kim Jong Un hi thathawh caan a ngei ve lengmang ko rua, july 25.2019 ah ruahlo pi in a hriamnam short range missile pahnih hna cu hneksaknak a tuah t’han hoi.Kim Jong Un nih American president Trump he North Korea nuclear hriamnam kongah biachahnak an tuah hnu in a voi khat nak hneksaknak a tuah mi a si tiah South Korea nih cun an chim.

 South Korean Defence Minister Jeong Kyeong-doo photo

Cun, South Korea defence ministry official nih cun North Korea nih hi ti bantuk in an hriamnam hneksaknak an tuah nak hmun hi Chaklei Nkorea ram chung a si mi Japan he an i ramri Wonsan khua ah a si tiah an chim. an hriamnam an hneksaknak mi cu Nichuahlei rili “East Sea”ah tlakter an timh na in a thlak hlan ah a puak tiah an chim.hi ruangah hin South Korea nih cun North Korea sin ah hi bantuk in hriamnam hneksaknak tuah bak ti lo dingin nawl patnak a tuah cawlh tiah an chim.

 

Cun, North Korea nih South Korea he remdaihnak ser singin rian t’uan cuahmah a si,hi lio ah North Korea nih hriamnam hneksaknak a rak tuah t’han mi cu ningcang lo thil a si.a hriamnam hneksaknak ruangah thil pakhat khat a chuah a si ah cun South Korea nih kan theihpi hna lai lo tiah Skorea nih a chim.asinain Japan defence ministry nih cun North Korea nih a hriamnam hneksaknak a tuah mi cu lungretheih pi awk tlak ngaingai zei hmanh a um loh tiah a chim.

 

South Korea Joint Chiefs of Staff nih a chim ningah cun a tutan i North Korea nih a hriamnam hneksaknak a tuah mi hna pahnih ah pakhat deuh hi cun North Korea nih cu hlan ah a ngeih bal mi a si loh, a thar te a si tiah a chim.cun, hi thil kongah South Korea intelligence le American intelligence pawl hna zong nih dothlatnak an tuah cawlh i, North Korea nih a hneksak mi a hriamnam pahnih ah pakhat deuh hi cu a thar bak te a si ko.cu hlan ah mah bantuk hriamnam hi a ngeih bak lo a si hrimhrim loh tiah an chim.

Source: BBC

Author: Salai Ephraim