Indian ram chung khuapi a si mi Gurugram khuapi chungah pumpak private Cyber dawr an um i cu dawr ah cun Ngak nu pakhat cu rian a t’uan.a rian t’uan nak Cyber dawr neitu a boss pa nih a rian in a chuah caah Ngaku ni cun an boss pa cu ka rian in na ka chuah ah cun ei awk ka nei lai lo.cun hi rian na ka chuah mi hi zei hmanh sualnak ka tuah lo i ningcanglo thil a si caah ka chuak lai lo tiah a leh.
A sina in an boss pa nih cun hi Cyber dawr hi kei mah ta a si caah ka duh mi poh ka t’uanter khawh hna i ka duhlo mi poh cu an rian in ka chuah khawh hna cucaah nang mah zong hi rian in kan chuah tiah a hnawl peng i.Ngaknu nih cun ka rian in na ka chuah a si ah cun rian dang zei hmanh ka hmu kho ti lai lo.cu caah kei mah le kei mah ka that lai tiah inn dot 18 cung bak in zuan a tim tiah an chim.
Ngaknu inn cung in zuan a timh lio cu Cyber dawr building ah rian a t’uan ve mi pa pakhat nih a hmuh manh caah a va kal hnawh i Ngaknu cu a len khawh caah inn dot 18 cung cun tangah a tum pi khawh tiah an chim.hi thawngpang cu palik pawl nih an theih tik ah rian rang in an ra i Cyber dawr neitu a boss pa cun a tleih tik ah Ngaknu nih mah bantuk in thil a tuah ngam taktak lai ti ka ruahlo caah a si tiah a chim.
Source: indianexpress